ہوا میں اڑنے اور زمین پر دوڑنے والا روبوٹ تیار

دنیا بھر میں ڈرون اور مختلف روبوٹکس میں جدت کے بعد اسرائیلی ماہرین نے ایسا ڈرون تیار کرلیا جو زمین پر کار کی طرح دوڑ سکتا ہے۔

کواڈ کاپٹر قسم کا یہ ڈرون معمول کے مطابق ہوا میں اڑ سکتا ہے، تاہم زمین کو چھوتے ہی اس کے پروپیلر مڑ کر پہیوں کی شکل اختیار کرلیتے ہیں۔ ڈرون کو ایف اسٹار (فلائنگ اسپرول ٹیونڈ آٹو نامس رووٹ) کا نام دیا گیا ہے۔

ڈرون کے پروپیلر کے بازوؤں کے ساتھ گھومتے پہیے بھی نصب ہیں جس پر برش لیس موٹریں لگی ہیں جو پروپیلر کو پہیوں کی صورت میں چلاتی ہیں۔ زمین پر آنے کے بعد کار 2.6 میٹر فی سیکنڈ کی رفتار سے دوڑتی ہے۔

گاڑی میں بدلنے کے بعد ڈرون چھوٹی موٹی رکاوٹوں کو عبور کر کے آگے بڑھتا جاتا ہے۔ ڈرون کو ایک مرتبہ چارج کیے جانے کے بعد یہ 20 منٹ تک فعال رہتا ہے۔

ماہرین کا کہنا ہے کہ اس ڈرون کو کسی حادثے کے بعد تلاش اور بحالی (سرچ اینڈ ریسکیو) کے کاموں میں استعمال کیا جاسکتا ہے جبکہ یہ ملبے اور تنگ جگہوں پر باآسانی 400 کلو گرام وزنی اشیا، دوا یا خوراک لے جا سکتا ہے۔

ماہرین کے مطابق اس روبوٹ کو مزید بہتر کرنے پر کام کیا جارہا ہے۔

The post ہوا میں اڑنے اور زمین پر دوڑنے والا روبوٹ تیار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2MbwGbg
via IFTTT