ماہرہ خان نے کینسر کے مرض میں مبتلا بچی کی بڑی خواہش پوری کردی

کراچی: بین الاقوامی شہرتِ یافتہ پاکستانی اداکارہ ماہرہ خان کینسر کے مرض میں مبتلا بچی کی خواہش پوری کرنے کےلیے اُس سے ملاقات کرنے اسپتال پہنچ گئیں۔

تفصیلات کے مطابق کراچی میں موجود نجی اسپتال میں زیر علاج ندا نامی بچی ماہرہ خان کی بڑی مداح ہے، اُس نے اداکارہ سے ملاقات کی خواہش کا اظہار کیا تھا جسے اسپتال انتظامیہ نے اداکارہ تک پہنچایا۔

انڈس اسپتال کی جانب سے سماجی رابطے کی ویب سائٹ پر ایک ٹویٹ میں بتایا گیا کہ ندا کی خواہش پر ماہرہ خان نے اچانک دورہ کیا اور اُس بچی سے کافی دیر تک ملاقات کی۔

مزید پڑھیں: اداکارہ ماہرہ خان نے ایک اور عالمی اعزاز اپنے نام کرلیا

کینسر کے موذی مرض سے لڑنے والی بچی کی آرزو پوری کرنے پر اسپتال انتظامیہ اور ندا کے اہل خانہ نے ماہرہ خان کا شکریہ بھی ادا کیا۔

بعد ازاں ماہرہ نے سماجی رابطے کی ویب سائٹ پر ندا کے ساتھ بنائی جانے والی تصویر شیئر کی جس میں وہ بچی سے محبت کا اظہار کررہی ہیں۔

Nida is a strong strong girl. She said she only gets weak when she sees her mother cry for her… Anyone reading this pray for Nida and her family. May all her wishes come true.. May she be blessed with health and happiness Ameen. https://t.co/PqFwmUiP8Q pic.twitter.com/jwwu3zxKDY

— Mahira Khan (@TheMahiraKhan) May 28, 2019

اداکارہ نے تصویر شیئر کرتے ہوئے لکھا کہ ندا بہت ہی مضبوط لڑکی ہے مگر وہ اُس وقت کمزور پڑ جاتی ہے جب وہ اپنی ماں کو کینسر کی وجہ سے روتا ہوا دیکھتی ہے۔

ماہرہ خان نے اپنے مداحوں سے درخواست کی کہ جو شخص بھی میرا یہ پیغام پڑھ رہا ہے وہ ندا کی صحت یابی اور اُس کے خاندان کے لیے ضرور دیا کرے، اللہ اس بچی کی تمام خواہشات پوری کرے اور اسے بہت ساری خوشیوں کے ساتھ عمرِ خضر عطاء فرمائے۔

The post ماہرہ خان نے کینسر کے مرض میں مبتلا بچی کی بڑی خواہش پوری کردی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2JHKsAl
via IFTTT