ورلڈ کپ، پاکستانی ٹیم کسی بھی ٹیم کو شکست دینے کے لیے تیار ہے، سرفراز احمد

لندن: قومی کرکٹ ٹیم کے کپتان سرفراز احمد نے کہا ہے کہ حالیہ پاک انگلینڈ سیریز سے ٹیم کو بہت کچھ سیکھنے کو ملا ہے، پاکستانی ٹیم ورلڈ کپ میں کسی بھی ٹیم کو شکست دینے کے لیے تیار ہے۔

تفصیلات کے مطابق کرکٹ ورلڈ کپ 2019 میں حصہ لینے والی ٹیموں کے کپتانوں نے پریس کانفرنس کی، قومی کرکٹ ٹیم کے کپتان سرفراز احمد نے کہا کہ ہماری ٹیم کے کھلاڑی جیت کے لیے پرعزم ہیں، گرین شرٹس میں بہترین بولنگ، بیٹنگ، فیلڈنگ کی صلاحیت ہے۔

سرفراز احمد نے کہا کہ 92 کے ورلڈ کپ میں ہمیں مشکلات کے باوجود فتح ملی، حالیہ سیریز کے بعد فیلڈنگ سمیت دیگر کوتاہیوں پر قابو پالیا گیا ہے۔

قومی کرکٹ ٹیم کے کپتان نے کہا کہ پاکستانی ٹیم کسی بھی ٹیم کو شکست دینے کے لیے تیار ہے، فاسٹ بولر وہاب ریاض کو ان کی تجربہ کاری کی وجہ سے ٹیم کا حصہ بنایا۔

Our Captain @SarfarazA_54 at the captains' media day in London #CWC19 #WeHaveWeWill pic.twitter.com/lY3lIxDmge

— Pakistan Cricket (@TheRealPCB) May 23, 2019

دوسری جانب انگلش کرکٹ ٹیم کے کپتان اوئن مورگن نے کہا کہ پاکستان کو ون ڈے سیریز ہرا کر ورلڈ کپ جیتنے کے لیے پرامید ہیں، انگلینڈ کے کپتان نے پاکستان کی شاندار کارکردگی کو بھی سراہا۔

واضح رہے کہ ورلڈ کپ میں 10 ٹیمیں حصہ لے رہی ہیں، ایونٹ کل 33 دن پر مشتمل ہوگا، 48 میچز کھیلے جائیں گے، اور ٹرافی کے لیے گھمسان کا رن پڑے گا، ایونٹ میں دنیائے کرکٹ کے بہترین اسٹارز ایکشن میں نظر آئیں گے۔

مبصرین نے آسٹریلیا، انگلینڈ، بھارت اور پاکستان کو ٹائٹل کے لیے فیورٹ قرار دیا ہے، 30 مئی کو انگلینڈ میں شروع ہو نے والی کرکٹ کی اس عالمی جنگ کا افتتاحی میچ میزبان انگلینڈ اور جنوبی افریقا کے درمیان لندن میں ہوگا۔

قومی کرکٹ ٹیم اپنا پہلا میچ 31 مئی کو ویسٹ انڈیز کے خلاف کھیلے گی جبکہ 16 جون کو روایتی حریف بھارت سے ٹاکرا ہوگا۔

The post ورلڈ کپ، پاکستانی ٹیم کسی بھی ٹیم کو شکست دینے کے لیے تیار ہے، سرفراز احمد appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2K4wY13
via IFTTT