Focus Pakistan

ابوظبی : یو اے ای میں بھی مہلک ترین وائرس کورونا کا پہلا کیس سامنے آگیا، ہلاکت خیز وائرس سے متاثرہ مسافر نے ووہان سٹی سے امارات پہنچا تھا۔

خلیج ٹائمز کی رپورٹ کے مطابق متحدہ عرب امارات کی وزارت صحت کی جانب سے جاری اعلامیے میں بتایا گیا ہے کہ چین کے شہر ووہان سے پھیلنے والے ہلاکت خیز وائرس کرونا کا یو اے ای میں ایک کیس سامنے آگیا۔

وزارت صحت کا کہنا ہے کہ متاثرہ شخص چین کے شہر ووہان سے متحدہ عرب امارات آنے والی فیملی کا فرد ہے جسے انتظامیہ نے اسپتال میڈیکل ٹیم کی نگرانی میں رکھا ہوا ہے۔

خیال رہے کہ کروناوائرس کی متحدہ عرب امارات منتقلی کے خدشے کے پیش نظر تمام ہوائی اڈوں پر حفاظتی اقدامات کیے جاچکے ہیں، ایئرپورٹ پر ایوی ایشن اتھارٹی کی جانب سے نئی اسکریننگ کے انتظامات بھی کیے گئے ہیں۔

چین میں کرونا وائرس سے اموات کی تعداد 132 ہو گئی

خیال رہے کہ اب تک امریکا، جرمنی، جاپان، فرانس، سنگاپور سمیت 16 ایسے ممالک میں جہاں اس وائرس کے کیسز رپورٹ ہو چکے ہیں۔ چین نے فلو کی طرح کے اس وائرس سے نمٹنے کے لیے سفری پابندیاں مزید سخت کر دی ہیں، ووہان سے باہر نکلنے یا شہر میں جانے پر مکمل پابندی عائد کی جا چکی ہے۔

چین میں مہلک کرونا وائرس کے سبب نظام زندگی مفلوج ہو گیا ہے، ایک کروڑ دس لاکھ آبادی والا شہر سنسان ہو گیا اور ہر طرف ہو کا عالم ہے، لوگ گھروں میں محصور ہو گئے ہیں۔ امریکی صدر ڈونلڈ ٹرمپ نے چین کو جان لیوا کرونا وائرس کے خلاف مدد کی پیش کش کر دی ہے۔

ان کا کہنا تھا کہ چین سے مسلسل رابطے میں ہیں اور اس معاملے کو غور سے دیکھ رہے ہیں۔

کراچی: عدالت نے سندھ پولیس کے دو افسران کے تبادلے کالعدم قرار دے دیے ہیں جو سندھ حکومت کو ایک اور دھچکا ہے۔

تفصیلات کے مطابق سندھ ہائی کورٹ نے ایس پی ڈاکٹر رضوان اور ڈی آئی جی خادم حسین کے تبادلے کا نوٹیفکیشن کالعدم قرار دے دیا، درخواست پر فیصلہ سناتے ہوئے عدالت نے کہا کہ دونوں افسران کا تبادلہ غیر قانونی ہے۔

اے آر وائی نیوز کے مطابق عدالت نے اپنے فیصلے میں کہا کہ پولیس افسران کے تبادلے کے طریقہ کار پر عمل نہیں کیا گیا، سندھ حکومت آئی جی کی مشاورت کے بغیر افسران کے تبادلے نہیں کر سکتی، ڈی آئی جی خادم حسین اور ایس پی ڈاکٹر رضوان کا تبادلہ غیر قانونی ہے۔

یاد رہے کہ عدالت نے گزشتہ سماعت پر دونوں افسران کے تبادلوں کا نوٹیفکیشن معطل کر دیا تھا، افسران کی معطلی کے خلاف دائر درخواست میں کہا گیا تھا کہ حالیہ دنوں میں 80 پولیس افسران کے تبادلے کیے جا چکے ہیں، سندھ حکومت نے اپنے ہی قوانین کی خلاف ورزی کی۔

وزیراعظم عمران خان کی آج آئی جی سندھ کلیم امام سے اہم ملاقات ہوگی

درخواست میں کہا گیا تھا کہ ڈی آئی جی خادم حسین کا تبادلہ آئی جی کے علم میں لائے بغیر کیا گیا، ضابطے کے مطابق ڈی آئی جی کے تبادلے کے لیے آئی جی سے مشاورت لازمی ہے۔

خیال رہے کہ وزیر اعظم عمران خان کی جانب سے آئی جی سندھ ڈاکٹر کلیم امام کی تبدیلی کے لیے رضا مندی ظاہر کی جا چکی ہے، نئے آئی جی کے انتخاب کے سلسلے میں وفاق اور صوبائی حکومت کے درمیان بات چیت جاری ہے۔

ریاض: سعودی عرب کی کمپنیز کو کس شعبے میں نوجوانوں کی سب سے زیادہ ضرورت ہے، سعودی وزیر نے بتا دیا۔

سعودی ویب سائٹ کے مطابق سعودی وزیر محنت و سماجی فروغ انجینئر احمد الراجحی نے کہا ہے کہ مملکت میں اکاؤنٹنٹ کا پیشہ کمپنیوں کی طرف سے زیادہ مطلوب ہے اور نوجوانوں میں بھی سب سے زیادہ مقبول ہے۔

انہوں نے کہا کہ اس پیشے میں خواتین کی بھرتی انتہائی مناسب رہے گی کیونکہ اکاؤنٹنٹ سے منسلک لوگوں کا دفتری کام ہے، انہیں باہر جانے کی ضرورت نہیں ہوتی۔

سعودی وزیر کا کہنا تھا کہ اکاؤنٹنٹ سے منسلک افراد کو اوسط 7 ہزار ریال ماہانہ تنخواہ دی جاتی ہے، یہ معقول تنخواہ ہے جس پر سعودی نوجوانوں کو توجہ دینی چاہیئے۔

انہوں نے کہا کہ وزارت محنت اور ہیومن ریسورسز فنڈ مشترکہ طور پر لائحہ عمل تیار کر رہے ہیں تاکہ اس شعبے کے لیے سعودی نوجوان اور خواتین کو تیار کیا
جائے۔

سعودی وزیر کا مزید کہنا تھا کہ وزارت محنت اور سعودی اکاؤنٹنٹ اتھارٹی کے تعاون سے سعودی عرب میں کام کرنے والے غیر ملکی اکاؤنٹنٹس کی رجسٹریشن ہوگی۔

لندن : جہاز میں سوار مسافر کی غیر مہذب حرکت کی ویڈیو سوشل میڈیا پر وائرل ہوگئی۔

انٹرنیٹ پر ان دنوں ایک ویڈیو وائرل ہورہی ہے جس میں دیکھا جاسکتا ہے کہ جہاز میں بیٹھا ایک مسافر اپنے ایٹھڑی مردہ کھال کو نوچ کر نکال رہا ہے۔

مذکورہ شخص کے قریب پیچھے مسافر نے یہ ویڈیو بنائی جس کا مقصد دیگر مسافروں کو صرف یہ بتانا تھا کہ وہ سفر کے دوران آداب معیار کو برقرار رکھیں۔

مسافر نے ویڈیو سماجی رابطے کی ویب سائٹ انسٹاگرام پر شیئر کی جو دیکھتے ہی دیکھتے وائرل ہوگئی جسے اب تک 1 لاکھ صارفین نے دیکھ کر مذکورہ شخص کا مذاق اڑایا جبکہ کچھ نے کمنٹس بھی کیے۔

View this post on Instagram

"Whatever the mind of man can conceive and believe, it can achieve." -Napoleon Hill #MondayMotivation #pickemifyougotem • • • #passengershaming #flyingfeet #instagramaviation #comeflywithme #airlinelife #airplaneetiquette #frequentflyer #crewlife #plane #aviation #cabincrew #avgeek #cabincrewlife #flightattendant #flightattendantlife #stewardess #flightattendantproblems #travel #flightattendants #instapassport #aviationgeek #FAlife #airtravel #travelgram #traveltips #pilotlife #frequentflier

A post shared by Passenger Shaming (@passengershaming) on Jan 27, 2020 at 7:20am PST

ایک صارف نے تبصرہ کیا کہ ’میں یہ نہیں دیکھ سکتا، یہ انتہائی غیر مہذب حرکت ہے‘، جب ایک صارف نے کہا کہ ’میں پولیس کو فون کرتا‘۔

ایک صارف نے جواب دیتے ہوئے لکھا کہ ’یہ دیکھنے میں بعد میرے چہرے کے تاثرات بالکل ختم ہوگئے، جبکہ بہت سے صارفین کی جانب سے ابکائیوں کے ایموجی شیئر کیے گئے۔

جہاز میں سوار مسافر کی عجیب و غریب حرکت، ویڈیو وائرل

اس سے قبل بھی ایک ویڈیو سوشل میڈیا پر وائرل ہوئی تھی جس میں طیارے میں سوار ایک مسافر کو پاؤں سے کھرنٹ ہٹاتے دیکھا گیا تھا۔

اسلام آباد : وزیراعظم کی معاون خصوصی برائے اطلاعات فردوس عاشق اعوان نے مسلم لیگ ن کے رہنما شہباز شریف پر تنقید کرتے ہوئے کہا ہے کہ روز نیا ہیٹ پہن کر تقریریں کرنے والے ملک سے فرار ہیں، قوم نے پہلے ایسے بیمار کبھی نہیں دیکھے۔

یہ بات انہوں نے سماجی رابطے کی ویہب سائٹ ٹوئٹر پر اپنے پیغام میں کہی، فردوس عاشق اعوان نے نون لیگ کے رہنماؤں کی سیاست پر تبصرہ کرتے ہوئے کہا کہ نورا لیگ میدان سے بھاگ چکی ہے۔

یہ پارلیمان سے تنخواہ لے رہے ہیں، لیکن قوم کی خدمت کے لئے دستیاب نہیں۔ ایسے بیمار قوم نے پہلے کبھی نہیں دیکھے۔ قوم کو لوٹ کر بھی مظلوم ہونے کی دہائی دینے والے حساب سے نہیں بچ سکتے۔

— Dr. Firdous Ashiq Awan (@Dr_FirdousPTI) January 29, 2020

شہباز شریف کا نام لیے بغیر ان کا کہنا تھا کہ ترچھی ٹوپی، ذائقے دو نومبر سے ملک سے فرار ہیں، کیمروں، اجلاسوں، ہوٹلوں میں لندن کی سڑکوں پر وہ بھلے چنگے ہیں، روزانہ نیا ہیٹ پہن کر تقریریں کرتے ہیں۔

فردوس عاشق اعوان کا مزید کہنا تھا کہ وہ عدالتوں کے سامنے اور کاغذات میں بیمار ہیں، پارلیمان سے تنخواہیں لیتے ہیں مگر قوم کی خدمت کیلئے دستیاب نہیں، ایسے بیمار قوم نے پہلے کبھی نہیں دیکھے۔

معاون خصوصی نے ٹوئٹر پیغام میں کہا کہ پاکستانی قوم کو لوٹ کر بھی مظلوم ہونے کی دہائی دینے والے اب احتساب سے نہیں بچ سکتے۔

from ARYNews.tv | Urdu – Har Lamha Bakhabar https://ift.tt/2Gz2PDQ
via IFTTT

کوئٹہ: صوبہ بلوچستان میں بجلی کی بچت کے بڑے منصوبے کے سلسلے میں زرعی ٹیوب ویلز شمسی توانائی پر منتقلی کے پروجیکٹ میں پیش رفت ہوئی ہے۔

تفصیلات کے مطابق بلوچستان میں 10 ہزار زرعی ٹیوب ویلز کی شمسی توانائی پر منتقلی میں پیش رفت ہوئی ہے، پاور ڈویژن کے ترجمان کا کہنا تھا کہ ٹیوب ویلز کی شمسی توانائی پر منتقلی کے لیے پہلی مکمل فزیبلٹی رپورٹ تیار کر لی گئی ہے۔

اے آر وائی نیوز کے مطابق وفاقی وزیر اور سیکریٹری پاور نے متبادل توانائی ڈیولپمنٹ بورڈ میں فزیبلٹی رپورٹ کا جائزہ لیا، رپورٹ جرمن کمپنی اور نیسپاک نے مل کر تیار کی ہے، اس رپورٹ پر اسٹیک ہولڈرز اور تکنیکی ماہرین سے رائے لی جائے گی۔

فزیبلٹی رپورٹ میں سورج کی روشنی سے استفادے کے لیے اقدامات تجویز کیے گئے ہیں، ترجمان پاور ڈویژن کا کہنا تھا کہ شمسی توانائی پر منتقلی سے عوامی آگاہی کے لیے اقدامات بھی رپورٹ کا حصہ بنائے گئے ہیں۔

توانائی کے شعبے میں گردشی قرضوں کے بڑھنے کی رفتار میں کمی

ترجمان کے مطابق بلوچستان کے ہزاروں ٹیوب ویلز کو اربوں کی بجلی فراہم کی جاتی ہے، بر وقت ادائیگیاں نہ ہونے سے گردشی قرضے میں اضافہ ہوتا ہے، سولر ٹیوب ویلز سے بلوچستان میں زرعی انقلاب آ جائے گا، اور بجلی خسارے سے بھی بچا جا سکے گا۔

خیال رہے کہ پی ٹی آئی حکومت نے بلوچستان سے جو وعدے کیے تھے، ان میں سے ایک ٹیوب ویلز کو شمسی توانائی پر منتقل کرنے کا وعدہ بھی شامل تھا۔

اسلام آباد : جاپان نے پاکستان کوکرونا وائرس کی 4 ٹیسٹنگ کٹس عطیہ کرنےکااعلان کردیا ، ایک ٹیسٹنگ کٹ کی مالیت 2ہزارڈالر ہے ، جس سے 50ٹیسٹ ممکن ہوسکیں گے۔

تفصیلات کے مطابق وزارت قومی صحت نے پاکستان میں جاپانی سفیر سے رابطہ کیا اور جاپان سے کرونا وائرس ٹیسٹنگ کٹس فراہمی کی درخواست کی، جس پر جاپان نے کرونا وائرس ٹیسٹنگ کٹس فراہم کرنے پر آمادگی کا اظہار کردیا ہے۔

ذرائع کا کہنا ہے کہ جاپان نے پاکستان کوکرونا وائرس کی 4ٹیسٹنگ کٹس عطیہ کرنےکااعلان کردیا، ایک ٹیسٹنگ کٹ کی مالیت 2ہزارڈالر، 50ٹیسٹ ممکن ہوسکیں گے۔

ذرائع کے مطابق جاپان حکومت کرونا ٹیسٹنگ کٹس 31جنوری کو پاکستان کیلئے روانہ کرے گی اورکٹس 2فروری کوپاکستان پہنچیں گی۔

مزید پڑھیں : کرونا وائرس کی تشخیص اب پاکستان میں بھی ممکن

دوسری جانب معاون خصوصی ڈاکٹر ظفرمرزا نے کروناوائرس پر کور کمیٹی تشکیل دے دی ہے اور کہا کور کمیٹی کا مقصد بدلتی صورت حال پر گہری نظر رکھنا ہے۔

کور کمیٹی میں سیکریٹری ہیلتھ ،ایگزیکٹو ڈائریکٹر این آئی ایچ ، پارلیمانی سیکریٹری نیشنل ہیلتھ ، پاک فوج کے نمائندے ودیگرماہرین شامل ہیں جبکہ شوکت خانم اسپتال کے سی ای اوڈاکٹر فیصل سلطان بھی کمیٹی کے ممبر ہیں۔

ڈاکٹر ظفرمرزا کا کہنا تھا کہ کمیٹی کے ارکان کو اپنی اپنی ذمہ داریاں سونپ دی گئی ہیں،کرونا وائرس سے بچاؤکیلئے حکومت جنگی بنیاد پر کام کر رہی ہے۔

خیال رہے  چین سے کرونا وائرس کی تشخیصی کٹس پاکستان کیلئے روانہ کردیں گئیں ہیں ، جو 24گھنٹےمیں پاکستان پہنچیں گی اور قومی ادارہ صحت کے حوالے کی جائیں گی۔

اسلام آباد : وزیراعظم کے معاون خصوصی برائے صحت ڈاکٹر ظفر مرزا کا کہنا ہے کہ اس وقت پاکستان میں کروناوائرس کاایک بھی مریض نہیں، چین میں 4 پاکستانی طلبہ میں کروناوائس کی تصدیق ہوئی ہے۔

تفصیلات کے مطابق وزیراعظم کے معاون خصوصی برائے صحت ڈاکٹر ظفر مرزا نے گفتگو کرتے ہوئے کہا کروناوائرس کی کوئی مخصوص علامات نہیں ہیں، جس کو دیکھ پر کرونا وائرس کی پہچان ہو، یہ وائرس چھاتی میں نمونیا کی شکل اختیار کرلیتا ہے۔

ڈاکٹر ظفر مرزا کا کہنا تھا کہ یہ بیماری انسانوں میں جانوروں سے منتقل ہورہی ہے، اب یہ وائرس ایک سےدوسرےانسان کوتیزی سے منتقل ہورہا ہے، وائرل انفیکشن کی عمومی علامات ہیں، سردرد،بخار،کھانسی،سانس میں تکلیف میں انفکیشن کی علامات ہیں۔

معاون خصوصی برائے صحت نے کہا کہ کرونا وائرس کی اس قسم کی تشخیص 7جنوری کوچین میں ہوئی، اب تک 6052 لوگوں میں کرونا وائرس کی تشخیص ہوئی ہے، اس وائرس میں مرنے والوں کی شرح بہت کم ہوتی ہے، ریسرچ کے مطابق وائرس سے100میں سے3فیصدلوگوں کی اموات ہوتی ہے اور وائرس کےتقریباً 97فیصد مریض ٹھیک ہوجاتے ہیں۔

ان کا کہنا تھا کہ کرونا وائرس کے تقریباً 99 فیصد مریض چین میں ہیں، ووہان میں کیسز سامنے آنے پر چینی حکومت نے غیرمعمولی اقدامات کئے، چینی حکومت کے اقدامات کو پوری دنیا میں سراہا جارہا ہے۔

ڈاکٹر ظفر مرزا نے کہا کہ ووہان شہر60ملین لوگوں پرمبنی ہے، جہاں سے آمدورفت پرپابندی ہے، پبلک ہیلتھ کی تاریخ کا سب سے بڑا اقدام ہے، جو چین نے اٹھایا ہے، چین کی حکومت کی کوشش یہ انفکیشن ووہان شہر سے باہر نہ جائے، اس ایک قدم کی وجہ سے چین نے پوری دنیا کو محفوظ کردیا ہے۔

معاون خصوصی کا کہنا تھا کہ چینی حکومت نےاقدام اٹھایا کوئی چینی شہری بیرون ملک نہیں جاسکتا، کوئی چین سے باہر جانا چاہے تو 14دن تک آبزرویشن میں رکھا جاتا ہے، وائرس تشخیص نہ ہونے پر ہی متعلقہ شخص کو باہر جانے کی اجازت ہوتی ہے ، اسی سلسلے میں ورلڈہیلتھ آرگنائزیشن نے21 اور23جنوری کواجلاس کئے۔

انھوں نے کہا کسی کوشبہ ہے کہ اسے یہ وائرس ہے تو انڈرآبزرویشن رکھاجائے، اس شخص سے ہیلتھ پروفیشنل کو خود بھی کو بچانا ہے، ملکوں کواس حوالے سے اپنی تیاری کس طرح کرنی چاہئے، تمام چیزوں کو سامنے رکھتے ہوئے چائنہ نےاقدامات اٹھائے۔

ظفرمرزا کا مزید کہنا تھا کہ پاکستان نےبطورذمہ دارریاست بہت سےاقدامات اٹھائےہیں، اس وقت پاکستان میں کروناوائرس کاایک بھی مریض نہیں، چین میں 4پاکستانی طلبہ میں کروناوائس کی تصدیق ہوئی ہے اور اسوقت 28سے30ہزارپاکستانی مقیم ہیں۔

چین نے تیزی سے پھیلتے کرونا وائرس کے علاج کے لیے صرف 4 دن قبل ووہان صوبے میں 1 ہزار بستروں کا اسپتال بنانے کا اعلان کیا تھا اور 4 دن بعد یہ اسپتال اپنی تعمیر کے نصف مرحلے میں پہنچ چکا ہے۔

چین میں اس وقت کرونا وائرس سے سب سے زیادہ متاثر ووہان صوبہ ہے جہاں اب تک ساڑھے 4 ہزار سے زائد افراد اس وائرس کا شکار ہو کر اسپتالوں میں داخل
ہوچکے ہیں۔

اس وائرس سے اب تک 106 افراد موت کے منہ میں بھی جا چکے ہیں۔

چینی حکومت نے چند روز قبل کرونا کے علاج کے لیے مخصوص اسپتال بنانے کا اعلان کیا تھا جو 1 ہزار بستروں پر مشتمل ہوگا اور یہ اسپتال صرف 4 دن میں نصف تعمیر ہوچکا ہے۔

اسپتال کا نام فائر گاڈ ماؤنٹین ہاسپٹل رکھا جائے گا۔ اسپتال کے لیے 25 ہزار مربع میٹر علاقے میں کھدائی کا کام شروع کیا گیا تھا، اسپتال کو پری فیبری کیٹیڈ مٹیریئل یعنی پہلے سے تیار شدہ اشیا سے بنایا جارہا ہے۔

اسپتال کی تعمیر مزید 3 سے 4 روز میں مکمل ہوجائے گی اور 3 فروری کو یہاں پہلا مریض داخل کردیا جائے گا۔

چین اس سے قبل بھی اسی طرح کی ریکارڈ مدت میں کی جانے والی تعمیرات کا ریکارڈ رکھتا ہے۔

سنہ 2003 میں بھی سارس وائرس سے نمٹنے کے لیے ایک اسپتال بنایا گیا تھا جسے 4 ہزار افراد نے دن رات کام کر کے صرف 7 روز میں تیار کرلیا تھا۔

اب مذکورہ اسپتال کی تعمیر کے بعد امکان ہے کہ ملک بھر سے کرونا وائرس کے مریضوں کو یہیں لا کر علاج کیا جائے گا۔

چین نے فلو کی طرح کے اس وائرس سے نمٹنے کے لیے سفری پابندیاں سخت کر رکھی ہیں اور ووہان سے باہر نکلنے یا شہر میں جانے پر مکمل پابندی عائد کی جا چکی ہے۔

اب تک امریکا، جرمنی، جاپان، فرانس اور سنگاپور سمیت 16 ممالک میں کرونا وائرس کے کیسز رپورٹ ہو چکے ہیں۔

اسلام آباد : ترک صدرطیب اردوان13اور14فروری کوپاکستان کادورہ کریں گے، دورے میں ترک صدر پاکستانی سیاسی وعسکری قیادت سےاہم ملاقاتیں کریں گے جبکہ وزیراعظم عمران خان اور ترک صدر رجب طیب اردوان اجلاس کی مشترکہ صدارت کریں گے۔

تفصیلات کے مطابق ترک صدر رجب طیب اردوان کے دورہ پاکستان کا ابتدائی شیڈول تیار کرلیا گیا ، جس کے مطابق ترک صدر کا 13 اور 14 فروری کو دورہ پاکستان کا قوی امکان ہے ، وہ کاروباری شخصیات سمیت اعلیٰ سطح وفد کے ہمراہ اسلام آبادپہنچیں گے۔

ذرائع کا کہنا ہے کہ ترک صدر پاکستانی سیاسی وعسکری قیادت سےاہم ملاقاتیں کریں گے جبکہ صدر،وزیراعظم، ترک صدر اور مہمانوں کے اعزازمیں ضیافتوں کا اہتمام کریں گے۔

ذرائع کے مطابق پاک، ترک اعلیٰ سطح تذویراتی تعاون کونسل کا اجلاس منعقد ہو گا، وزیراعظم عمران خان اور ترک صدر رجب طیب اردوان اجلاس کی مشترکہ صدارت کریں گے، متعدد معاہدے، تعاون کی یادداشتوں پر دستخط اور کئی منصوبے شروع ہوں گے۔

ذرائع کا کہنا ہے کہ ترک صدر کے دورے کے دوران تذویراتی اقتصادی فریم ورک، باہمی تعاون کے تحت معاہدات کا امکان ہے جبکہ سرمایہ کاری، تجارت، دفاعی پیداوار،بینکنگ، مالیات میں تعاون بڑھایا جائے گا۔

خیال رہے ترک صدر رجب طیب اردوان کا دورہ پاکستان قبل ازیں 3 بار معطل ہوا، وزیراعظم نے جنوری 2019میں ترک صدرکو دورہ پاکستان کی دعوت دی تھی۔

واضح رہے ترک صدر مسئلہ کشمیر کے سلسلے میں پاکستان کے مؤقف کی بھرپور حمایت کر چکے ہیں۔ علاوہ ازیں، اقوام دنیا میں اسلامو فوبیا کا مقابلہ کرنے کے لیے بھی پاکستان نے ترکی اور ملائیشیا کے ساتھ مل کر ایک مشترکہ انگریزی چینل شروع کرنے کا اعلان کیا تھا۔

ریاض : سعودی حکام نے اپنے سبز پرچم کی مناسبت سے ایئرپورٹ ٹیکسیوں کا رنگ بھی سفید کرنے کا حکم صادر کردیا۔

غیر ملکی خبر رساں ادارے کی رپورٹ کے مطابق سعودی عرب کے ولی عہد شہزادہ محمد بن سلمان کی جانب سے ریاست کو دنیا میں نمایاں مقام پہنچانے کےلیے مسلسل کوششیں جاری ہیں جس کے لیے سعودی حکام کی جانب سے ایک اور اہم اقدام اٹھایا گیا ہے جس کے تحت ملک بھر میں سفید ٹیکسیوں کو ہٹا کر سبز رنگ کی ٹیکسیاں لائیں جائیں گی۔

مقامی خبر رساں ادارے کا کہنا تھا کہ رواں برس کے دوران ریاست کے تمام ایئرپورٹس سے سفید ٹیکسیوں کو ہٹا کر سبز رنگ کی ٹیکسیاں مہیا کی جائے گی جس سے سعودی پرچم کی شناخت نمایاں ہوگی اور ان ٹیکسیوں پر انگریزی میں ’گرین کار‘ تحریر ہوگا۔

ٹرانسپورٹ کے ڈائریکٹر جنرل انجینیئر ماجد الزہرانی کا کہنا تھا کہ پرانی سفید ٹیکسیوں کو جلد ہٹا دیا جائے گا جبکہ جن ٹیکسیوں کی حالت بہتر ہوگی ان پر نئی ٹیکسیوں کے قواعد و ضوابط لاگو ہوں گے۔

یاد رہے سنہ 1979 میں سعودی عرب میں خادم الحرمین الشرفین کی جانب سے پیلے رنگ کی لیموزین متعارف کرائی گئی تھی تاہم کچھ عرصے بعد صحرا کی مناسبت سے ان گاڑیوں کا رنگ سفید کردیا گیا تھا۔

بیجنگ : خطرانک کورونا وائرس نے 132 چینی شہریوں کو ہلاک جبکہ 6 ہزار  افراد کو متاچر چکا ہے۔

تفصیلات کے مطابق چین میں جنم لینے والے کورونا وائرس سے ہلاکتوں میں مسلسل اضافہ ہورہا ہے، حکام کا کہنا ہے کہ وائرس سے ہلاک ہونے والے افراد کی تعداد 132 تک پہنچی گئی ہے جبکہ فرانس میں بھی کورونا وائرس کے 3 کیس رپورٹ ہوچکے ہیں۔

چینی حکام کی جانب سے 6 ہزار کے قریب افراد میں اس ہلاکت خیز وائرس کی تصدیق ہوچکی ہے۔

خیال رہے کہ سنہ 2002 میں چین میں سارس نامی خطرناک وائرس پھیلا تھا جس نے 5327 افراد کو متاثر کیا تھا کہ جبکہ دنیا بھر میں 770 ہلاکتیں ہوئی تھیں۔

کورونا وائرس سے ہونے والی ہلاکتوں میں اضافے کے خدشے کے پیش نظر جاپان اور امریکا نے اپنے شہریوں کو چین سے نکال لیا ہے جبکہ آسٹریلیا نے چین سے لوٹنے والے شہریوں کو کچھ عرصہ الگ جزیرے پر رکھنے کا فیصلہ کیا ہے۔

آسٹریلوی وزیر اعظم اسکاٹ مورسن کا کہنا ہے کہ چین کے متاثرہ شہریوں میں پھنسے آسٹریلوی شہریوں کو فوری طور پر وہاں نکالا جائے گا اور علیحدہ جزیرے پر رکھا جائے گا تاکہ اگر ان میں کسی کو مہلک وائرس نے متاثر کیا ہو اس سے دیگر شہری متاثرہ نہ ہوں۔

آسٹریلوی وزیراعظم کے مطابق چین سے واپس لوٹنے والوں کو چودہ دن کے لیے کرسمس نامی جزیرے پر رکھا جائے گا۔

واضح رہے کہ آسٹریلیا میں پناہ لینے والے غیر ملکیوں کو عموماً کرسمس جزیرے پر رکھا جاتا ہے جو سمندر کے راستے آسٹریلیا میں داخل ہونے کی کوشش کرتے ہیں۔

غیر ملکی خبر رساں ادارے کی رپورٹ کے مطابق 600 آسٹریلوی شہری چین کے متاثرہ شہر ووہان میں پھنسے ہوئے ہیں۔

یہ بھی پڑھیں : چین میں خطرناک کورونا وائرس سے 56 افراد ہلاک

چین میں ہلاکت خیز کرونا وائرس کی روک تھام کیلئے بڑے پیمانے پر اقدامات کیے جارہے ہیں، اس سلسلے میں چینی حکام کی جانب سے عوام پر13شہروں سے باہر نکلنے پر پابندی عائد کرنے کا فیصلہ کیا گیا ہے۔

ووہان شہر میں واقع جانوروں کی منڈی میں پیدا ہونے والا وائرس پندرہ ممالک تک پھیل چکا ہے۔

وائرس کی وبا کو مزید پھیلنے سے روکنے کے لیے ووہان سٹی اور گرد و نواح کے علاقوں کے پانچ کروڑ شہریوں کی نقل و حرکت پر پابندی عائد ہے۔

اسلام آباد: پاکستان اور انٹرنیشنل مانیٹری فنڈ (آئی ایم ایف) کے درمیان 6 ارب ڈالر کے قرضے کی اگلی قسط کے سلسلے میں پاکستان، آئی ایم ایف مذاکرات کا نیا دور 3 فروری سے شروع ہوگا۔

اے آر وائی نیوز کے مطابق قرضے کی اگلی قسط کے سلسلے میں مذاکرات کے لیے آئی ایم ایف کا جائزہ وفد 2 فروری کو پاکستان پہنچےگا، ذرایع نے کہا ہے کہ پاکستان اور مالیاتی ادارے کے درمیان مذاکرات کے نئے دور کا آغاز تین فروری سے ہوگا۔

آئی ایم ایف وفد حکومتی معاشی ٹیم سے بھی ملاقاتیں کرے گا، خیال رہے کہ پاکستان کو آئی ایم ایف سے 2 اقساط میں 1.44 ارب ڈالر مل چکے ہیں، جب کہ 450 ملین ڈالر کی تیسری قسط کے لیے بات چیت ہوگی۔

ذرایع کا کہنا ہے کہ آئی ایم ایف کا جائزہ وفد مذاکرات میں پاکستانی معیشت کے سہ ماہی جائزے کے لیے آ رہا ہے، اس دورے کے دوران وفد مختلف وزارتوں اور محکموں کی کارکردگی کا جائزہ لے گا۔

آئی ایم ایف پروگرام کے تحت کئی اصلاحاتی اقدامات کیے گئے، ڈپٹی گورنراسٹیٹ بینک

خیال رہے کہ حکومت پاکستان آئی ایم ایف پروگرام کے تحت کئی اصلاحاتی اقدامات کر چکی ہے، حکومت کی کوشش ہے کہ قرضوں کے معاملات ٹھیک کیے جائیں، اس سلسلے میں کرنٹ اکاؤنٹ اور تجارتی خسارے پر قابو پانے کے لیے اقدامات کیے گئے جن کے مثبت اثرات سامنے آئے۔

اسلام آباد : اسلام آباد ہائی کورٹ نے دوہری شہریت چھپانے پر وفاقی وزیر فیصل واوڈا کو 24 فروری سے پہلے جواب جمع کرانے کا حکم دیتے ہوئے کابینہ،قانون وانصاف،الیکشن کمیشن ، قومی اسمبلی کے سیکریٹریز کو نوٹس جاری کردیئے۔

تفصیلات کے مطابق اسلام آباد ہائی کورٹ کے جسٹس عامر فاروق نے دوہری شہریت چھپانے پر وفاقی وزیر آبی وسائل فیصل واوڈا کی نااہلی کے لئے درخواست پر سماعت کی ، درخواست گزار میاں محمد فیصل ایڈووکیٹ اپنے وکیل جہانگیر خان جدون کے ساتھ عدالت میں پیش ہوئے۔

وکیل نے بتایا فیصل واوڈا نے عام انتخابات سے قبل الیکشن کمیشن میں دوہری شہریت سے متعلق جھوٹا حلف نامہ جمع کروایا، اُس وقت فیصل واڈا امریکی شہریت کے حامل تھے، عدالت فیصل واڈا کی رکنیت بطور رکن قومی اسمبلی نااہل قرار دے۔

وکیل کا مزید کہنا تھا کہ 2018 کے عام انتخابات میں حصہ لینے کے لئے فیصل واوڈا نے 11 جون 2018 کو الیکشن کمیشن میں کاغذات نامزدگی داخل کرائے، کاغذات نامزدگی جمع کراتے وقت فیصل واوڈا امریکی شہریت رکھتے تھے، الیکشن کمیشن میں دوہری شہریت نہ رکھنے کا جھوٹا حلف نامہ جمع کرایا۔

جہانگیر خان جدون نے مزید کہا کاغذات کی سکروٹنی کے وقت بھی فیصل واوڈا امریکی شہری تھے، ریٹرننگ افسر نے 18 جون 2018 کو فیصل واوڈا کے کاغذات نامزدگی منظور کئے، جس پر جسٹس عامر فاروق نے استفسار کیا فیصل واڈا نے امریکی شہریت کب ترک کی۔

وکیل نے جواب میں بتایا 22 جون 2018 کو امریکی شہریت ترک کرنے کے لئے کراچی میں امریکی قونصلیٹ میں درخواست دی، 25 جون 2018 کو منظور کی گئی اور فیصل واوڈا کو امریکی شہریت چھوڑنے کا سرٹیفکیٹ جاری ہوا۔

اسلام آباد ہائی کورٹ نے فیصل واوڈا کو 24 فروری سے پہلے جواب جمع کرانے کا حکم دیتے ہوئے کابینہ،قانون وانصاف،الیکشن کمیشن ، قومی اسمبلی کے سیکریٹریز کو نوٹس جاری کردیئے۔

بعد ازاں اسلام آباد ہائی کورٹ نے فیصل واوڈا کیخلاف دہری شہریت سےمتعلق درخواست پر سماعت 24 فروری تک ملتوی کر دی۔

اسلام آباد : چین سے کروناوائرس کی تشخیصی کٹس آج شام تک پاکستان پہنچ جائیں گی، جس کے بعد قومی ادارہ صحت کرونا وائرس کا تشخیصی ٹیسٹ کر سکے گا۔

تفصیلات کے مطابق چین سے کرونا وائرس کی تشخیصی کٹس پاکستان کیلئے روانہ کردیں گئیں ہیں ، وائرس کی ٹیسٹنگ کٹس 24گھنٹےمیں پاکستان پہنچیں گی اور قومی ادارہ صحت کے حوالے کی جائیں گی۔

ذرائع کا کہنا ہے کہ پاکستان نےچین سے کرونا ٹیسٹنگ کٹس کی فراہمی کی درخواست کی تھی ، کٹس ملنے پر قومی ادارہ صحت کرونا وائرس کا تشخیصی ٹیسٹ کرسکےگا۔

ذرائع کے مطابق اس سے پہلے کرونا کی تشخیص کیلئے سیمپل ہانگ کانگ بھجوائے جارہےتھے، چین سےمحدودتعدادمیں کروناٹیسٹنگ کٹس منگوائی گئی ہیں، ضرورت پڑنےپرچین سےمزیدٹیسٹنگ کٹس منگوائی جائیں گی۔

مزید پڑھیں : کرونا وائرس کا پاکستان میں خطرہ ہے، ڈاکٹر ظفر مرزا

دوسری جانب وزارت میری ٹائم افیئرز نے بھی کرونا وائرس سےبچاؤکے اقدامات تیز کردیئے ہیں اور غیرملکی بحری جہازوں کےعملےکی بندرگاہ سے باہرنکلنےپرپابندی عائدکر دی جبکہ تین بڑی بندرگاہوں کے پی ٹی، پورٹ قاسم،گوادرپورٹ کے چیئرمینوں کوخط بھی لکھ دیئے گئے ہیں۔

گذشتہ روز معاون خصوصی برائے صحت ڈاکٹر ظفر مرزا نے پروگرام ’پاور پلے‘ میں گفتگو کرتے ہوئے کہا تھا کہ کرونا وائرسز کی فیملی ہے، یہ وائرس کی پانچویں قسم ہے، پاکستان میں اب تک کرونا وائرس کا کوئی کیس رپورٹ نہیں ہوا، وائرس 18 ممالک میں پھیل چکا ہے۔

ان کا کہنا تھا کہ کرونا وائرس کا مرکز چین ہے، چین نے ووہان شہر کو قبضے میں لے لیا ہے اور وہاں سے کسی شخص کو باہر نہیں آنے دیا جارہا۔

ڈاکٹر ظفر مرزا نے کہا تھا کہ چینی شہری پاکستان آتے جاتے ہیں اس لیے وائرس کا خطرہ ہے، ووہان میں موجود لوگ ہیں انہیں باہر آنے کی اجازت نہیں، جو چینی باشندہ پاکستان آئے گا تو وائرس کا خدشہ ہے، پاکستانی 500 سے زائد طلبہ ووہان میں ہیں، کرونا وائرس پر جلد قابو نہ پایا گیا تو یہ دنیا میں تیزی سے پھیل سکتا ہے۔

اسلام آباد : وزیراعظم عمران خان آج آئی جی سندھ کلیم امام سے اہم ملاقات کریں گے ، گذشتہ روز آئی جی کی تبدیلی پر اعتراض کے باعث مشتاق مہر کو سندھ پولیس کاسربراہ بنانے کا فیصلہ ملتوی کردیا گیا تھا۔

تفصیلات کے مطابق سندھ پولیس کےسربراہ کی تبدیلی کامعاملہ طےنہ پاسکا، اسی سلسلے میں وزیراعظم عمران خان نے آج آئی جی سندھ کلیم امام کو طلب کرلیا ہے۔

گذشتہ روز وفاقی کابینہ اجلاس میں مشتاق مہرکوسندھ پولیس کاسربراہ بنانے کا فیصلہ ملتوی کردیا گیا تھا، آئی جی سندھ کے معاملے پر اتحادی جماعت جی ڈی اے اراکین اور حکومتی اراکین سندھ نے اعتراض اٹھایا، اراکین کے اعتراض پر گورنر وزیراعلیٰ سندھ سے مزیدمشاورت کافیصلہ کیا گیا تھا۔

بعد ازاں وزیراعظم عمران خان نے وزیراعلیٰ سندھ مراد علی شاہ سے ٹیلیفونک رابطہ کرکے وفاقی کابینہ میں آئی جی سے متعلق مشاورت سےآگاہ کیا، جس پر وزیراعلیٰ سندھ کا کہنا تھا کہ جونام دئیےان میں سےکسی ایک کوآئی جی بنایاجائے، آئی جی سندھ کےلیےمزیدنام نہیں دیں گے۔

مزید پڑھیں : وفاقی کابینہ کااجلاس، آئی جی سندھ کی تعیناتی کا معاملہ مؤخر، مزید مشاورت کا فیصلہ

معاون خصوصی فردوس عاشق اعوان نے میڈیا سے گفتگو کرتے ہوئے کہا تھا کہ مشتاق مہرکانام لیا جارہا تھا لیکن کابینہ اجلاس کےبعد اسےموخرکردیاگیا ہے اور گورنرسے کہاہے وزیراعلیٰ سےمشاورت کے بعد پرانے اور نئے ناموں کی فہرست بھیجیں ۔

یاد رہے آئی جی سندھ سیدکلیم امام نے اپنے تبادلے کی خبر کی تردید کرتے ہوئے کہا تھا میرا تبادلہ اتنی آسانی سے ہونے والا نہیں ہے، میرےخلاف سازش ہوئی ہے، جب جاؤں گا تو اپنے مقدر سے جاؤں گا، ہم تمام پولیس افسران قانون کے تحت کام کرتے ہیں، قانون نافذ کرنے کی کوشش کرتے ہیں تو راہ میں رکاوٹیں بھی پیش آتی ہیں۔

اسلام آباد : قومی احتساب بیورو (نیب) نے مسلم لیگ ن کے رہنما احسن اقبال کے بھائی مصطفی کمال کے خلاف بھی تحقیقات شروع کر دیں ، مصطفیٰ کمال کو آمدن سے زائد اثاثہ جات اور مختلف ٹھیکےلینےکےالزام میں طلب کرلیاہے۔

تفصیلات کے مطابق قومی احتساب بیورو (نیب) نے مسلم لیگ ن کے رہنما اور سابق وزیر داخلہ احسن اقبال کے بھائی مصطفی کمال کے گرد گھیرا تنگ کردیا ہے ، مصطفی کمال کے خلاف تحقیقات نیب راولپنڈی کی جانب سے شروع کی گئی ہے۔

ذرائع کا کہنا ہے کہ نیب کی جانب سے احسن اقبال کے بھائی کو آمدن سے زائد اثاثہ جات اور مختلف ٹھیکے لینے کے الزام میں طلب کیا گیا اور راولپنڈی ڈویلپمینٹ اتھارٹی سے میٹرو کی مد میں دئیے جانے والے ٹھیکوں کی تفصیلات بھی مانگ لی گئیں ہیں۔

ذرائع کے مطابق احسن اقبال کے بھائی نے میٹرو کے منصوبے میں بھی ٹھیکے کئے تھے ، ان پر ٹھیکوں کی مد میں قومی خزانے کو نقصان پہنچانے کا بھی الزام ہے۔

مزید پڑھیں : نیب نے احسن اقبال کے جرم کی تفصیل بتا دی

یاد رہے نیب راولپنڈی نے احسن اقبال کو نارووال اسپورٹس سٹی کرپشن کیس میں گرفتار کیا تھا اور وہ جوڈیشل ریمانڈ پر ہے۔

نیب نے پاکستان مسلم لیگ ن کے مرکزی رہنما احسن اقبال کی کرپشن کی تفصیل بتاتے ہوئے کہا تھا کہ انھوں نے بہ طور وزیر منصوبہ بندی اپنے اختیارات کا نا جائز استعمال کیا اور نارووال اسپورٹس منصوبے کی لاگت کو غیر قانونی طور پر بڑھایا، ساڑھے 3 کروڑ کے منصوبے کی لاگت 10 کروڑ تک پہنچائی گئی۔

حاصل ریکارڈ کے مطابق احسن اقبال نے خود سے ہی لاگت بڑھائی، اس کی اجازت سینٹرل ڈیولپمنٹ ورکنگ پارٹی سے نہیں لی گئی۔

امریکا میں ایک 9 سالہ بچے نے اپنی 5 سالہ بہن کو چھریوں کے متعدد وار کر کے زخمی کردیا، بچے کا ارادہ ننھی بہن کو قتل کرنے کا تھا۔ پولیس نے بچے کو اپنی تحویل میں لے لیا۔

یہ واقعہ امریکی ریاست فلوریڈا میں پیش آیا۔ 9 سالہ بچے پر اقدام قتل کے الزامات عائد کیے گئے ہیں اور اسے عدالت میں پیش کیا جارہا ہے۔ بچے نے اپنی 5 سال بہن کو چھریوں کے متعدد وار کر کے قتل کرنے کی کوشش کی اور اس دوران وہ چیختا رہا، ’مرو، مرو‘۔

بچے کا کہنا ہے کہ ننھی بہن کو قتل کرنے کا خیال اچانک ہی اس کے دماغ میں آگیا اور وہ نہ چاہتے ہوئے بھی اس کے بارے میں سوچتا رہا۔ جج نے فوری طور پر بچے کا نفسیاتی چیک اپ اور ٹریٹمنٹ کروانے کی ہدایت کی ہے۔

واقعے کے بعد پولیس نے بچے کو اس وقت گرفتار کرلیا جب وہ عمارت میں چھپنے کی کوشش کر رہا تھا۔

پولیس کا کہنا ہے کہ بچہ اپنی بہن اور ماں کے ساتھ رہتا ہے۔ ماں صرف 10 منٹ کے لیے کسی کام سے گھر سے باہر نکلی تھی۔ ماں کے جاتے ہی بچے نے کچن سے چھری اٹھائی اور اسے اپنے پیچھے چھپا کر بہن کے کمرے میں پہنچا۔

بچے نے ننھی بہن کو گردن سے پکڑا اور اس پر چھریوں سے وار کرنا شروع کیے۔ اسی دوران ماں واپس آگئی اور اس نے چیختے ہوئے بچے کو روکا اور فوری طور پر پولیس کو کال کی۔

ماں کے مداخلت کرتے ہی لڑکا وہاں سے بھاگ گیا اور چھپنے کی جگہیں ڈھونڈنے لگا۔ بچی کو فوری طور پر اسپتال منتقل کیا گیا، اسپتال کا کہنا ہے کہ بچی کے جسم پر گہرے زخم ہیں تاہم اس کی حالت خطرے سے باہر ہے۔

پولیس کے حراست میں لینے کے ایک دن بعد بچے کو مقامی عدالت کے جج کے سامنے پیش کیا گیا، فی الوقت بچہ حفاظتی بچہ جیل میں ہے۔ ملزم کی کم عمری کی وجہ سے اس کا نام اور تصویر جاری نہیں کی گئی۔

کراچی: وزیر اعظم کے معاون خصوصی عثمان ڈار نے ایک بار پھر سندھ حکومت پر تنقید کرتے ہوئے کہا ہے کہ حکومت سندھ کا حال یہ ہے کہ صوبے میں یوتھ منسٹر ہی نہیں۔

وہ اے آر وائی نیوز کے پروگرام الیونتھ آور میں گفتگو کر رہے تھے، عثمان ڈار نے کہا کہ سندھ میں یوتھ منسٹر نہیں ہے، کراچی اور سندھ کے نوجوان بڑی تعداد میں ہیں، وہ کہاں جائیں۔

ان کا کہنا تھا کہ سندھ کے علاوہ دیگر صوبوں کے وزرائے اعلیٰ وزیر اعظم کے ساتھ ایک پیج پر ہیں، لیکن سندھ کے وزیر اعلیٰ وزیر اعظم کے ساتھ ایک پیج پر نہیں، دیگر صوبوں میں آئی جی تبدیل ہوئے تو اتفاق سے کیے گئے، یہاں صورت حال ویسی نہیں، سندھ حکومت بار بار اٹھارویں ترمیم کے پیچھے نہ چھپے۔

عثمان ڈار نے کہا کہ ریلوے کا خسارہ 40 ارب تھا جو شیخ رشید 32 ارب روپے پر لے آئے، پی ٹی آئی حکومت تباہ حال اداروں کو اپنے پاؤں پر کھڑا کرنے کی کوشش کر رہی ہے، پی آئی اے بھی خسارے کا شکار تھی جسے ٹھیک کر رہے ہیں۔

اداروں کی تباہ حالی کے بارے میں ان 2 پارٹیوں سے پوچھا جائے جو 35،40 سال سے جو حکمرانی میں رہیں۔

خیال رہے کہ پی ٹی آئی حکومت نے کراچی میں دو دن قبل نوجوانوں کو قرضے دینے کا ایک پروگرام لانچ کر دیا ہے، کامیاب جوان پروگرام کی افتتاحی تقریب میں نوجوانوں کو قرضے بھی دیے گئے، عثمان ڈار نے کہا کہ جیسے ہی اسکیم کا آغاز ہوا تو 15 دن میں ساڑھے 12 لاکھ نوجوانوں نے درخواست دی۔

اسلام آباد : اقتصادی رابطہ کمیٹی کا اجلاس آج ہوگا، جس میں گیس کی قیمت میں اضافہ زیرغورآنے کا امکان ہے، گھریلوصارفین سمیت مختلف شعبوں کے لیےگیس کے نرخ بڑھائے جائیں گے۔

تفصیلات کے مطابق مشیر خزانہ عبدالحفیظ شیخ کی سربراہی میں اقتصادی رابطہ کمیٹی کا اجلاس آج ہوگا ، اجلاس میں 6نکاتی ایجنڈے پر غور کیا جائے گا جبکہ گیس کی قیمتوں میں اضافے کی سمری زیر غور آنےکاامکان ہے ، جس کے بعد ،گھریلوصارفین سمیت مختلف شعبوں کےلیے گیس کےنرخ میں اضافہ متوقع ہے۔

اجلاس میں ملک میں مہنگائی، اشیا ضروریہ کی طلب ورسد کا جائزہ لیا جائے گا اور کاٹن پالیسی پر جامع بریفنگ بھی دی جائےگی جبکہ ایچ بی ایف سی کے حصص کی فروخت کا معاملہ بھی زیر بحث آئے گا۔

ذرائع کے مطابق پاکستان مورگیج ری فنانس کمپنی کے لیے ایک کروڑ ڈالر کی منظوری اور وزارت خزانہ کے لیے 8 کروڑروپے کی ضمنی گرانٹ منظور ہونے کا امکان ہے جبکہ ای گورننس پروگرام کے لیے 10کروڑروپے کی ضمنی گرانٹ بھی ایجنڈے کا حصہ ہے۔

گذشتہ اقتصادی رابطہ کمیٹی کے اجلاس میں 3 لاکھ ٹن گند م درآمد کرنے کی اجازت دی تھی ، گندم کی پہلی کھیپ 15 فروری تک آنے کا امکان ہے۔

ای سی سی نے ملک میں سستی کھاد کی فراہمی کیلئے اقدام اٹھاتے ہوئے کھادکی بوری پرعائد400 روپےجی آئی ڈی سی کی چھوٹ دینےکی منظوری دی تھی، ای سی سی کےفیصلےسے کاشتکاروں کو سستی کھاد مل سکے گی۔