مشرف کے خلاف تفصیلی فیصلہ دیکھ کر حیرانی اور دکھ ہوا: جہانگیر ترین

لاہور: پاکستان تحریک انصاف کے رہنما جہانگیر ترین کا کہنا ہے کہ مشرف کے خلاف تفصیلی فیصلہ دیکھ کر حیرانی اور بہت دکھ ہوا، صوبہ بنانے کا وعدہ جلد پورا کریں گے۔

تفصیلات کے مطابق پاکستان تحریک انصاف کے رہنما جہانگیر ترین کا کہنا ہے کہ مشرف کے خلاف فیصلے میں جج صاحب کو اس طرح کے الفاظ استعمال نہیں کرنے چاہئیں، تفصیلی فیصلہ دیکھ کر حیرانی اور بہت دکھ ہوا۔

جہانگیر ترین کا کہنا تھا کہ اٹارنی جنرل اور وکلا کی مشاورت سے اپیل کا فیصلہ ہوگا، صوبہ بنانے کا وعدہ جلد پورا کریں گے۔ آئین میں سخت شرائط ہیں۔ جنوبی پنجاب صوبے کے لیے سیاسی طور پر کوششیں کر رہے ہیں۔

انہوں نے کہا کہ گزشتہ حکومتوں نے ملک پر قرضے چڑھا دیے، جو فصل آج ہم کاٹ رہے ہیں وہ بوئی کسی اور نے تھی۔ جنہوں نے یہ فصل بوئی وہ آج پاکستان سے بھاگ رہے ہیں۔

جہانگیر ترین کا کہنا تھا کہ جنہوں نے غریب عوام کا پیسہ لوٹا انہیں نہیں چھوڑیں گے۔

تحریک انصاف رہنما نے مزید کہا کہ ہم نہیں چاہتے کہ ریاستی اداروں میں ٹکراؤ ہو، مشرف کے تفصیلی فیصلے پر پوری قوم کو بہت دکھ ہوا ہے۔ یہ عدالتی فیصلہ ہے اس سے زیادہ ہم کچھ نہیں کہہ سکتے۔

The post مشرف کے خلاف تفصیلی فیصلہ دیکھ کر حیرانی اور دکھ ہوا: جہانگیر ترین appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2r8b7yq
via IFTTT