سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

ممبئی: بالی ووڈ اداکار رشی کپور نے سنجے دت کی زندگی پر بننے والی فلم ’سنجو‘ کی ریلیز ہوتے ہی 25 برس پرانی تصویر شیئر کردی۔

سماجی رابطے کی ویب سائٹ پر رشی کپور نے تصویر شیئر کی جس میں اکشے کمار، سیف علی خان اور سلمان خان نے اپنی ٹی شرٹس پر سنجو کا پوسٹر چسپاں کیا ہوا ہے۔ رشی کپور کا کہنا ہے کہ یہ لوگ سنجو کی پروموش پر کب سے لگے ہوئے ہیں۔

بھارتی میڈیا کے مطابق مذکورہ تصویر اُس وقت کی ہے جب سنجے دت کو 1993 میں غیر قانونی اسلحہ رکھنے کے الزام میں گرفتار کر کے مقدمات بنائے گئے تھے۔

Thank you! These people been promoting the film ever since! pic.twitter.com/Ot2iDM9Hk7

— Rishi Kapoor (@chintskap) June 29, 2018

بالی ووڈ اداکاروں سلمان، سیف اور اکشے کمار نے اپنی ٹی شرٹس پر سنجے دت ’سنجو‘ سے اظہار یکجہتی کے لیے الفاظ تحریر کیے ہوئے تھے۔

واضح رہے کہ سنجے دت کی زندگی پر بننے والی فلم سنجو ایک روز قبل 29 جون کو ریلیز ہوئے جس نے آتے ہی اپنی کامیابی کے جھنڈے لہرائے اور پہلے ہی روز رواں سال کی سب سے زیادہ کمائی والی فلم کا اعزاز اپنے نام کیا۔

مزید پڑھیں: سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

ریلیز کے پہلے روز باکس آفس پر سنجو نے تقریباً 34 کروڑ 75 لاکھ کا کاروبار کیا، ناظرین نے سنجے دت کا کردار ادا کرنے والے بالی ووڈ اداکار رنبیر کپور کی صلاحیتوں کو خوب سراہا۔

”تھری ایڈیٹس“ اور” پی کے“ جیسی بلاک بسٹر فلمیں بنانے والے ہدایت کار راج کمار ہیرانی نے اس فلم میں ممتاز اداکار سنجے دت کی زندگی کے مختلف ادوار کا احاطہ کیا۔

فلم ’سنجو‘ میں رنبیر کپور، سونم کپور، پاریش راول، دیا مرزا اور انوشکا سمیت کئی اداکاروں نے اہم کردار کیے۔

---

خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

The post فلم سنجو، رشی کپور 25 برس پرانی تصویر سامنے لے آئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2tGTRhQ
via IFTTT