نگراں حکومت نے ایمنسٹی اسکیم میں ایک ماہ کی توسیع کردی

اسلام آباد : نگراں حکومت کی جانب سے ٹیکس ایمنسٹی اسکیم میں ایک ماہ کے لیے توسیع سے متعلق صدرممنون حسین کوسمری ارسال کی گئی جس پرانہوں نے دستخط کردیے۔

تفصیلات کے مطابق صدر ممنون حسین نے ٹیکس ایمنستی اسکیم میں ایک ماہ کی توسیع کے آرڈیننس پردستخط کردیے جس کے بعد صارفین 31 جولائی تک ایف بی آر کو ذرائع آمدن ظاہر کیے بغیراثاثے ظاہرکرسکتے ہیں۔

ٹیکس ایمنسٹی اسکیم کے تحت تیس جون تک پچاس ارب روپے کے محصولات وصول کیے گئے۔

نگراں وزیر اعظم کی زیر صدارت وفاقی کابینہ کا اجلاس

خیال رہے کہ گزشتہ روز نگراں وزیراعظم ناصرالملک کی زیرصدارت وفاقی کابینہ کے اجلاس کے دوران ایمنسٹی اسکیم کے تحت حاصل رقوم اور اس میں توسیع سے متعلق بریفنگ دی گئی۔

وزیرخزانہ کا کہنا تھا کہ ٹیکس ایمنسٹی اسکیم پراچھے رسپانس پرتوسیع کا فیصلہ کیا گیا۔ ایف بی آر ذرائع کے مطابق اسکیم سے سو ارب سے زائد کے محصولات وصول ہونے کی امید ہے۔

اجلاس میں فنانشل انسٹی ٹیوشن رولز 2018 کی منظوری دی گئی جبکہ ایف آئی اے کو ریکوری آف فنانسز کے تحت درکار تحقیقاتی ادارہ مقرر کرنے کی منظوری بھی دی گئی۔

وفاقی کابینہ نے کیپیٹل ڈویلمپنٹ اتھارٹی کے بجٹ برائے 19-2018 کی بھی منظوری دی گئی۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post نگراں حکومت نے ایمنسٹی اسکیم میں ایک ماہ کی توسیع کردی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2IH8xSS
via IFTTT