لاڑکانہ : پیپلز پارٹی کے سینئر رہنما خورشید شاہ نے کہا ہے کہ پٹرولیم قیمتوں میں اضافے سے مہنگائی کا نیا طوفان کھڑا ہوگا۔
تفصیلات کے مطابق خورشید شاہ کا کہنا ہے کہ پیٹرولیم مصنوعات کی قیمتوں میں اضافہ فوری واپس لیا جائے، پٹرولیم قیمتوں میں اضافے سے مہنگائی کا نیا طوفان کھڑا ہوگا۔
پیپلز پارٹی کے سینئر رہنما کا کہنا ہے کہ سابق حکومت کی مصنوعی معاشی ترقی کا بھانڈا پھوٹ چکا ہے، اب نگراں حکومت عوام سے جینے کا حق نہ چھینے۔
خورشید شاہ کا کہنا ہے کہ گزشتہ حکومت کی ناکام معاشی پالیسیوں کی سزا عوام کونہ دیں، نگراں حکومت کوسابق حکومت کی ڈگرپرنہیں چلنا چاہیے۔
پٹرول کی قیمت میں ایک بار پھر اضافہ، سو روپے لیٹر تک جا پہنچا
خیال رہے کہ نگراں حکومت نے پٹرولیم مصنوعات کی قیمتوں میں اضافہ کردیا ہے جس کے بعد پٹرول 99.50 روپے فی لیٹر دستیاب ہے۔
دوسری جانب عوام نے پٹرولیم مصنوعات کی قیمتوں میں اضافہ مسترد کرتے ہوئے اسے ظلم قرار دیا ہے جبکہ قیمتیں بڑھنے سے مہنگائی میں اضافے کا خدشہ ہے۔
یاد رہے کہ اوگرا نے پٹرولیم مصنوعات کی قیمتوں میں اضافے کی سمری پٹرولیم ڈویژن کی بھجوائی تھی اورپٹرولیم ڈویژن نے سمری وزارت خارجہ کو بھجوائی تھی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post پٹرولیم مصنوعات کی قیمتوں میں اضافہ فوری واپس لیا جائے‘خورشید شاہ appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2IFm7pX
via IFTTT
No comments:
Post a Comment