ذہین گوریلے نے اشاروں کی زبان سے لوگوں کو بات سمجھائی، ویڈیو وائرل

نیویارک: امریکا کے چڑیا گھر میں موجود گوریلے نے سیر کے لیے آنے والے لوگوں کو اشاروں کی مدد سے اپنی بات سمجھا دی۔

تفصیلات کے مطابق امریکا کے میامی چڑیا گھر میں موجود گوریلے کو بھوک لگی تو انتظامیہ نے کھانے دینے سے منع کردیا، بارہا احتجاج کرنے کے باوجود جب اُسے کھانا نہ ملا تو اُس نےبھوک مٹانے کا نیا طریقہ تلاش کیا۔

گوریلا عوام کی مدد لینے چاہتا تھا مگر اُسے بھی معلوم تھا کہ لوگ بات کو سمجھ نہیں سکیں گے اس لیے گوریلے نے انتہائی ذہانت کا  مظاہرہ کرتے ہوئے اشاروں سے لوگوں کو اپنی بات سمجھانے کی کوشش کی جس میں وہ کامیاب بھی رہا۔

چڑیا گھر کی سیر کے لیے آنے والے لوگوں کا رش  بڑھا تو  وہ ان کے قریب بیٹھا تاکہ کوئی بھی پنجرے میں آسانی کے ساتھ کھانا پھینکے تو اُسے یہ آرام سے حاصل کرلے۔

انٹرنیٹ پر اس سارے واقعے کی ویڈیو شیئر ہوئی جسے دیکھ کر صارفین دنگ رہ گئے اور انہوں نے گوریلے کی ذہانت کی خوب داد بھی دی جبکہ کچھ نے انتظامیہ کے خلاف کارروائی کا مطالبہ بھی کیا۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post ذہین گوریلے نے اشاروں کی زبان سے لوگوں کو بات سمجھائی، ویڈیو وائرل appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2JRX5Fd
via IFTTT