شیخوپورہ: امیر جماعت اسلامی سراج الحق نے کہا ہے کہ آج پھر وہی پرانے گھوڑے چاروں طرف نظرآرہے ہیں.

ان خیالات کا اظہار انھوں نے شیخوپورہ میں جلسے سے خطاب کرتے ہوئے کیا. ان کا کہنا تھا کہ اب ان پرانے گھوڑوں کی سیاست نہیں چلے گی.

امیر جماعت اسلامی نے کہا کہ وقت آگیا ہے کہ قوم اپنے لئے شیردل اوردیانت دارقیادت کا انتخاب کرے.

سینیٹر سراج الحق کا کہنا تھا کہ پاکستان میں صرف دو فی صد تعلیم پرخرچ کیا جاتا ہے، آج کشمیر میں بستیاں ویران اور قبرستان آباد ہو رہے ہیں، ہماری حکومتوں نے کشمیرکی آزادی کے لئے کچھ نہیں کیا.

ان کا کہنا تھا کہ مسائل کے حل کا واحد راستہ انقلاب ہے، ہم ایک پُرامن انقلاب لانا چاہتے ہیں.

سراج الحق نے مزید کہا کہ ملک پر 70 برس سے لینڈ مافیا اور کرپٹ حکم ران مسلط ہیں، میں دو بار سینئر وزیررہا، آج تک ذاتی مکان اور گاڑی نہیں خرید سکا.

امیر جماعت اسلامی کا کہنا تھا کہ حکمرانوں کے دل اورذہنوں میں مغل بادشاہوں والی سوچ ہے، جسے تبدیل ہونا ہوگا.

یاد رہے کہ جماعت اسلامی اس بار مذہبی جماعت کے اتحاد متحدہ مجلس عمل (ایم اے اے) کے پلیٹ فارم سے کتاب کے نشان پر الیکشن لڑے گی۔

---

قوم کرپشن فری اورخوش حال پاکستان کے لئےایم ایم اے پراعتماد کرے: سراج الحق

---

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

The post پرانے گھوڑے نہیں چلیں گے، مسائل کے حل کا واحد راستہ انقلاب ہے: سراج الحق appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2tFQuru
via IFTTT