مائیں بہنیں چیف جسٹس کے لیے دعا کریں، شیخ رشید

راولپنڈی: پاکستان عوامی لیگ کے رہنما شیخ رشید نے کہا ہے کہ مائیں بہنیں چیف جسٹس آف پاکستان کے لیے دعا کریں، جسٹس ثاقب نثار نے جدید ٹیکنالوجی سے آراستہ اسپتال جلد از جلد تعمیر کرنے کا حکم دے دیا۔

تفصیلات کے مطابق چیف جسٹس آف پاکستان نے سپریم کورٹ آف پاکستان اسپتال میں کیس کی سماعت کے بعد شیخ رشید کی درخواست پر وویمن چلڈرن اسپتال پہنچے جہاں انہوں نے نامکمل تعمیرات کا جائزہ لیا، اس موقع پر وہاں شیخ رشید بھی موجود تھے۔

چیف جسٹس آف پاکستان نے دورے کے دوران متعلقہ حکام کو 15 دن میں تعمیری پلان اور 18 ماہ میں اسپتال مکمل تعمیر کرکے چابی حوالے کرنے کے احکامات دیے۔

چیف جسٹس آف پاکستان کو سلام پیش کرتا ہوں

شیخ رشید احمد Apple co-founder

بعد ازاں میڈیا سے گفتگو کرتے ہوئے شیخ رشید احمد کا کہنا تھا کہ راولپنڈی میں تاریخ کا سب سے بہترین اسپتال بنا رہا ہوں جس میں جدید ٹیکنالوجی سے آراستہ 14 آپریشن تھیٹر ہوں گے۔

اُن کا کہنا تھا کہ میں نے چیف جسٹس سے استدعا کی کہ راولپنڈی میں پانی کی شدید قلت ہے کہ لوگ وضو کرنے سے بھی قاصر ہیں، یہاں کے مکینوں کو پانی چاہیے، احکامات کے بعد ہم 200 ملین گیلن پانی غازی بروتھا ڈیم سے لے کر آئیں گے۔

شیخ رشید احمد کا کہنا تھا کہ آج راولپنڈی کےعوام اورپاکستان کےلیے بڑا دن ہے، میں چیف جسٹس آف پاکستان کو سلام پیش کرتا ہوں کیونکہ انہوں نے ٹھیکدار کو حکم دیا کہ منصوبے کو مسجد سمجھ کر بناؤ۔

پاکستان عوامی لیگ کے سربراہ کا مزید کہنا تھا کہ اسپتال کی تعمیرات کے لیے 1 ارب روپے فوری جاری ہوچکے جبکہ چیف جسٹس نے کہا ہے کہ وہ وزیراعظم سے بات کر کے منصوبے کے لیے 4 ارب روپے جاری کروائیں گے۔

---

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post مائیں بہنیں چیف جسٹس کے لیے دعا کریں، شیخ رشید appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2KvXaC7
via IFTTT