لیاری میں بلاول بھٹو کے قافلے پر پتھراؤ، پولیس کی شیلنگ

کراچی: شہر قائد کے قدیم علاقے لیاری میں پیپلز پارٹی کے چیئرمین بلاول بھٹو زرداری کے قافلے پر علاقہ مکینوں نے شدید پتھراؤ کرکے گاڑیوں کے شیشے توڑ دیے۔

تفصیلات کے مطابق لیاری میں انتخابی مہم کے سلسلے میں پیپلز پارٹی کی طرف سے نکالی جانے والی ریلی پر علاقہ مکینوں نے شدید پتھراؤ کردیا، قافلے میں موجود گاڑیوں کے شیشے ٹوٹ گئے۔

لیاری کے مکینوں نے پانی کی قلت کے خلاف احتجاج کیا، بلاول بھٹو زرداری کے قافلے کا راستہ روک کر شدید پتھراؤ کیا، احتجاج کے باعث قافلہ لیاری میں پھنس گیا۔

پولیس نے مظاہرین کو منتشر کرنے کے لیے شیلنگ کردی، مکینوں کے پتھراؤ کے جواب میں جیالوں نے بھی پتھراؤ شروع کردیا، بلاول کے قافلے کو دوسری جانب موڑا جا رہا ہے۔

The post لیاری میں بلاول بھٹو کے قافلے پر پتھراؤ، پولیس کی شیلنگ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2MClEa9
via IFTTT