یہ بھی پڑھیں: پاکستان کا ساتھ دیں گے، چین کا دوٹوک مؤقف

اسلام آباد: چین پاکستان کو 2 ارب 10 کروڑ ڈالر قرض دے گا، دونوں ممالک کے درمیان قرض کی ادائیگی پر سارے معاملات طے ہو گئے ہیں۔

تفصیلات کے مطابق چین پاکستان کو دو ارب دس کروڑ ڈالر قرض دے رہا ہے جس کے لیے تمام معاملات پاک چین حکام نے طے کر لیے ہیں۔

ذرایع وزارتِ خزانہ کا کہنا ہے کہ قرض کی رقم آئندہ چند روز میں پاکستان کو فراہم کی جائے گی، اس سلسلے میں معاملات طے کرلیے گئے ہیں۔

خیال رہے کہ وزیر خارجہ شاہ محمود قریشی نے تین روزہ دورۂ چین سے واپسی پر کل کہا تھا کہ چین نے دو ٹوک انداز میں پاکستان کا ساتھ دینے کا اعلان کیا ہے، دونوں ممالک کے درمیان اقتصادی تعاون بڑھ رہا ہے۔

یہ بھی پڑھیں:  پاکستان کا ساتھ دیں گے، چین کا دوٹوک مؤقف

خیال رہے کہ گزشتہ سال 2 نومبر کو وزیرِ اعظم عمران خان نے چین کا پانچ روزہ دورہ کیا تھا جس کے بعد انھوں نے قوم کو خوش خبری سنائی تھی کہ چین کی جانب سے پاکستان کی معیشت کو سہارا دینے کے لیے بڑی امداد مل رہی ہے تاہم تفصیلات ابھی نہیں بتائی جا سکتیں۔

بعد میں 16 جنوری کو وزیرِ خزانہ اسد عمر نے کہا ’میرا قوم اور چینی قیادت سے یہ وعدہ ہے کہ آخری بار پاکستان مدد مانگ رہا ہے۔‘

دو روز قبل چینی اور سنگارپو کی کمپنیوں کا کہنا تھا کہ ان کی جانب سے پاکستان میں بڑے پیمانے پر ہاؤسنگ، مینو فیکچرنگ اور شپنگ سیکٹر میں سرمایہ کاری کی جائے گی جس کا حجم چار ارب ڈالر تک ہوگا۔

The post چین پاکستان کو 2 ارب 10 کروڑ ڈالر قرض دے گا، معاملات طے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2FrSDNT
via IFTTT