یقین دلاتا ہوں، پاکستان کے سبز پاسپورٹ کی دنیا بھر میں عزت ہوگی: عمران خان

اسلام آباد : ایڈیشنل ڈائریکٹراسٹیٹ بینک کا کہنا ہے کہ اوورسیز پاکستانی پاکستان بناؤسرٹیفکیٹ میں کم ازکم سرمایہ کاری 5ہزارڈالر سے کرسکتے ہیں ، منافع ڈالر اور پاکستانی روپے دونوں میں ملے گا۔

تفصیلات کے مطابق ایڈیشنل ڈائریکٹراسٹیٹ بینک نے پاکستان بناؤسرٹیفکیٹ کے حوالے سے کہا پاکستان بناؤسرٹیفکیٹ کےذریعےسرمایہ کاری پرسرٹیفکیٹ ملےگا، 5سے7منٹ میں خودکارطریقےسےرجسٹریشن ہوجائے گی۔

سرٹیفکیٹ حکومت پاکستان کی ضمانت سےجاری ہوگا، 6.25 منافع 3سال کی اور 6.75فیصد منافع 5سال کے لیے ہے جبکہ کم ازکم سرمایہ کاری 5ہزارڈالرسےہوسکتی ہے اور منافع ڈالراورپاکستانی روپےدونوں میں حاصل کیاجاسکتا ہے۔

خیال رہے گذشتہ ماہ  وزیرِ اعظم عمران خان کے معاون خصوصی ذوالفقار بخاری نے برطانیہ میں پاکستان بناؤ سرٹیفکیٹ کے لیے مہم شروع کی تھی اور کہا تھا پاکستان میں سرمایہ کاری کے لیے پاکستان بناؤ سرٹیفکیٹ اہم ہیں، سمندر پار پاکستانیوں کی مدد سے ملک کی معیشت بہتر ہوگی۔

یاد رہے 31 جنوری کو وزیراعظم عمران خان نے ’پاکستان بناؤ سرٹیفکیٹ‘ کا اجرا کیا تھا اور تقریب سے خطاب کرتے ہوئے کہا تھا اوورسیز پاکستانیوں سے درخواست کی کہ پاکستان بناؤ سرٹیفکیٹ خریدیں۔

مزید پڑھیں  :  یقین دلاتا ہوں، پاکستان کے سبز پاسپورٹ کی دنیا بھر میں عزت ہوگی: عمران خان

وزیرِ اعظم کا کہنا تھا ’پاکستان بناؤ سرٹیفکیٹ کا اجرا اوورسیز پاکستانی کے لیے ہے، یقین دلاتا ہوں پاکستان کے سبز پاسپورٹ کی دنیا میں ہر جگہ عزت ہوگی، اوورسیز پاکستانیوں سے کہوں گا کہ روپیا لینا ڈالر نہ لینا۔‘

واضح  رہے کہ ’پاکستان بناؤ سرٹیفکیٹ‘ کی صورت میں جاری ہونے والے بانڈز کے ذریعے سمندر پار رہنے والے بھی پاکستان میں سرمایہ کاری کر سکیں گے، بانڈز کی مدت تین اور پانچ سال ہوگی، تین سالہ بانڈز پر شرح منافع چھ اعشاریہ دو پانچ فی صد جب کہ پانچ سالہ بانڈز پر شرح منافع چھ اعشاریہ سات پانچ فی صد ہوگی۔

The post پاکستان بناؤسرٹیفکیٹ میں کم ازکم سرمایہ کاری 5ہزارڈالرسے ہوسکتی ہے، اسٹیٹ بینک appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2UOnV6S
via IFTTT