لاہور: مسلم لیگ ن نے نوازشریف سے ملاقات کے لئے ایڈیشنل سیکرٹری داخلہ کو خط لکھ دیا.
تفصیلات کے مطابق خط میں موقف اختیار کیا گیا ہے کہ مریم نواز اور ذاتی معالج ڈاکٹرعدنان کوملاقات کی اجازت دی جائے.
ن لیگ کے مطابق نواز شریف سے ملاقات ان کی خرابی طبیعت کے باعث ضروری ہے، نوازشریف کے کچھ ٹیسٹ فوری طور پر ہونا ضروری ہیں، نوازشریف کو روزانہ کی بنیاد پر دل کی تکلیف کی شکایت ہے.
خط میں کہا گیا ہے کہ ڈاکٹرکو ملاقات نہ کرنے دینا بنیادی حقوق سےانکارکے مترادف ہے.
نواز شریف کو کچھ ہوا توانہیں نتائج کا سامنا کرنا پڑے گا: شہباز شریف
ادھر شہباز شریف نے بھی اس معاملے میں حکومت کو کڑی تنقید کا نشانہ بنایا گیا ہے. سابق وزیر اعلیٰ پنجاب نے کہا ہے کہ حکومت انتہائی غیرانسانی سلوک کررہی ہے.
انھوں نے کہا کہ ڈاکٹر عدنان نے بتایا ہے کہ نواز شریف تک رسائی نہیں ملی، نوازشریف کی صحت پرکوئی سمجھوتا نہیں کیا جاسکتا، متعلقہ حکام کو فوری صورتحال کا نوٹس لینا چاہیے، نواز شریف کو کچھ ہوا توانہیں نتائج کا سامنا کرنا پڑے گا.
خیال رہے کہ آج مریم نواز نے اپنے ایک بیان میں کہا تھا کہ مجھے نواز شریف سے ملنے نہیں دیا تو جیل کے باہرکھڑی ہوجاؤں گی.
The post ن لیگ نے نواز شریف سے ملاقات کے لئے ایڈیشنل سیکرٹری داخلہ کو خط لکھ دیا appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2TRBohK
via IFTTT
No comments:
Post a Comment