پی ٹی آئی کی 23 سال کی جدوجہد ملکی تاریخ میں مثال بن چکی ہے،وزیراعلیٰ پنجاب

لاہور : وزیراعلیٰ پنجاب عثمان بزدار نے کہا پی ٹی آئی کی 23 سال کی جدوجہد ملکی تاریخ میں مثال بن چکی ہے، تحریک انصاف عوام کے جذبات کی حقیقی نمائندہ جماعت ہے۔

تفصیلات کے مطابق وزیراعلیٰ پنجاب عثمان بزدار نے تحریک انصاف کے یوم تاسیس پر تہنیتی پیغام میں کہا پی ٹی آئی کی 23 سال کی جدوجہد ملکی تاریخ میں مثال بن چکی ہے، عمران خان نے تحریک انصاف کو تبدیلی کا نقیب بنایا ہے۔

سردار عثمان بزدار کا کہنا تھا پی ٹی آئی نےآئین نوسے ڈرنے اور طرز کہن پر اڑنے کی روایات کو توڑا ، تحریک انصاف عوام کے جذبات کی حقیقی نمائندہ جماعت  ہے، پاکستان تحریک انصاف نے نوجوانوں کی امنگوں کی ترجمانی کی۔

دوسری جانب تحریک انصاف کے نئےآئین کےمسودےکی منظوری دے دی ،  وزیراعظم عمران خان نےبطور پارٹی سربراہ مسودےکی منظوری دی ، نیاآئین حتمی منظوری کیلئے23 ویں یوم تاسیس میں پیش کیاجائےگا ۔

پارٹی چیئرمین عمران خان پارٹی آئین کاباضابطہ اعلان کریں گے۔

یوم تاسیس کی تقریب یکم مئی کو اسلام آبادکے کنونشن سینٹر میں ہوگی آئین کی منظوری کےبعدمرکزی وصوبائی تنظیمی ڈھانچےتشکیل پائیں گے۔

پی ٹی آئی کے چیف آرگنائزر سیف اللہ خان نیازی نے کہا  کہ 23واں یوم تاسیس ہماری سیاسی تاریخ میں اہم سنگِ میل کی حیثیت کا حامل ہے۔ تحریک انصاف 23 برس کی طویل اور صبرآزما جدوجہد کے بعد آج تاریخ میں اہم مقام پر کھڑی ہے۔

The post پی ٹی آئی کی 23 سال کی جدوجہد ملکی تاریخ میں مثال بن چکی ہے،وزیراعلیٰ پنجاب appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2KYzzvr
via IFTTT