یہ بھی پڑھیں: زلفی بخاری سے جنوبی کوریا کے سفیر کی ملاقات، پاکستانی ورکرز کوٹے میں اضافے پر اتفاق

اسلام آباد: جنوبی کوریا پاکستان کو 50 کروڑ ڈالرز کا قرضہ دے گا، پاکستان اور جنوبی کوریا کے درمیان قرضے کا معاہدہ طے ہو گیا ہے۔

تفصیلات کے مطابق جنوبی کوریا سے 50 کروڑ ڈالرز کے قرضے کے لیے پاکستان نے معاہدہ کر لیا، معاہدے کے تحت جنوبی کوریا پاکستان کو پچاس کروڑ ڈالر کا قرضہ فراہم کرے گا۔

سیکریٹری اکنامک افیئرز نور احمد اور جنوبی کوریا کے سفیر نے معاہدے پر دستخط کیے، معاہدے کی تقریب میں مشیر خزانہ عبد الحفیظ شیخ بھی موجود تھے۔

جنوبی کوریا کی جانب سے قرضہ طویل مدتی اور آسان شرائط پر دیا گیا ہے، قرضے کی رقم صحت، آئی ٹی، مواصلات، زراعت اور توانائی کے شعبوں پر خرچ کی جائے گی۔

یہ بھی پڑھیں:  زلفی بخاری سے جنوبی کوریا کے سفیر کی ملاقات، پاکستانی ورکرز کوٹے میں اضافے پر اتفاق

یاد رہے کہ رواں سال 17 جنوری کو وزیر اعظم کے معاون خصوصی زلفی بخاری سے جنوبی کوریا کے سفیر نے ملاقات کی تھی جس میں جنوبی کوریا میں پاکستانی ورکرز کے کوٹے میں اضافے پر اتفاق کیا گیا تھا۔

زلفی بخاری نے بتایا تھا کہ گزشتہ سال صرف 700 پاکستانی ورکرز جنوبی کوریا گئے، اس سال یہ تعداد بڑھانے پر کام ہو رہا ہے، پاکستانیوں کے لیے بیرون ممالک کام کے زیادہ مواقع پیدا کیے جا رہے ہیں۔

جنوبی کوریا نے پاکستان ریلوے میں سرمایہ کاری میں دل چسپی کا اظہار کیا تھا، جنوبی کوریا کے سفیر نے سیاحت کے شعبے میں اعتماد کا اظہار کیا۔

The post جنوبی کوریا پاکستان کو 50 کروڑ ڈالرز قرضہ دے گا، معاہدہ طے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2UBqGaF
via IFTTT