خام تیل کی قیمت 5 ماہ کی بلند ترین سطح پر

اسلام آباد: عالمی منڈی میں خام تیل کی قیمت میں اضافہ ہوگیا جس کے بعد برینٹ خام تیل کی قیمت 70 ڈالر 62 سینٹس فی بیرل ہوگئی ہے۔ خام تیل کی یہ قیمت 5 ماہ کی بلند ترین سطح پر پہنچی ہے۔

تفصیلات کے مطابق عالمی منڈی میں خام تیل کی قیمت میں اضافہ ہوگیا اور برینٹ خام تیل کی قیمت 5 ماہ کی بلند ترین سطح پر آگئی، قیمت میں اضافے کے بعد برینٹ خام تیل کی قیمت 70 ڈالر 62 سینٹس فی بیرل ہوگئی ہے۔

برینٹ خام تیل کی قیمت میں 40 سینٹس کا اضافہ ہوا ہے۔ دوسری جانب امریکی خام تیل کی قیمت 63 ڈالر 48 سینٹس فی بیرل پر ٹریڈ کر رہی ہے۔

معاشی ماہرین کے مطابق خام تیل کی قیمت میں اضافے کی وجہ اوپیک کی پیداوار میں کمی کا اعلان ہے، اوپیک نے خام تیل کی پیداوار میں 12 لاکھ بیرل یومیہ کمی کا اعلان کیا ہے۔

خیال رہے کہ اس سے قبل جنوری میں خام تیل کی قیمت بلند ترین سطح پر ریکارڈ کی گئی تھی۔

2 ماہ قبل امریکہ اور چین میں تجارتی جنگ سے متعلق مثبت پیش رفت اور اوپیک ممالک کی جانب سے پیداوار میں کمی کے عندیہ کے بعد عالمی منڈی میں خام تیل کی قیمت 4.3 فیصد اضافے کے ساتھ 53 ڈالر 80 سینٹ فی بیرل ہوگئی تھی۔

گزشتہ برس اکتوبر میں عالمی منڈی میں خام تیل کی قیمت 4 سال کی بلند ترین سطح پر پہنچ گئی تھی اور خام تیل کی قیمت 85 ڈالر فی بیرل کے قریب جا پہنچی تھی۔

بعد ازاں ایک ماہ بعد دسمبر میں خام تیل کی قیمت سال کی کم ترین سطح پر آگئی تھی اور عالمی منڈی میں چوبیس گھنٹوں میں خام تیل ساڑھے تین ڈالر فی بیرل سستا ہوگیا تھا۔

The post خام تیل کی قیمت 5 ماہ کی بلند ترین سطح پر appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2KlngJg
via IFTTT