چین کا فرانسیسی بحری جہاز آبنائے تائیوان میں روکنے کا دعویٰ

بیجنگ : چین کی نیول فورس نے اپریل کے اوائل میں آبنائے تائیوان میں داخلے کی کوشش کے دوران فرانس کے ایک بحری جہاز کو روکنے کا دعویٰ کیا ہے۔

تفصیلات کے مطابق چینی وزارت دفاع کے ترجمان رین گوکیانگ نے ایک بیان میں کہا ہے کہ فرانسیسی نیوی کا جہاز آبنائے تائیوان میں داخل ہونے کی کوشش کے دوران روک لیا گیا تھا۔ اس کے بعد بیجنگ کی جانب سے پیرس سے اس واقعے پر باضابطہ احتجاج کیا گیا۔

ترجمان کا کہنا تھا کہ فرانسیسی نیوی کا بحری جہاز چین کی اجازت کے بغیر علاقائی پانی میں داخل ہونے کی کوشش کررہا تھا۔

غیر ملکی خبر رساں ادارے کے مطابق چینی حکام تائیوان کو اپنا حصہ سمجھتا ہے۔

ترجمان نے کہا کہ فرانسیسی جہاز کی آبنائے تائیوان میں داخلے کی کوشش کےدوران مروجہ قانون کے تحت ایک جہاز اسے روکنےلیے بھیجا گیا۔

غیر ملکی خبر رساں ادارے کا کہنا تھا کہ فرانسیسی جہاز کو واپس جانے کے احکامات دیے گئے جس کے بعد وہ واپس ہوگیا۔

چینی وزارت دفاع کے ترجمان نے آبنائے تائیوان کی طرف آنے والے فرانسیسی جہاز کی شناخت نہیں بتائی، دوسری جانب فرانسیسی حکام کی جانب سے مذکورہ واقعے پر کوئی فوری تبصرہ نہیں کیا گیا ہے۔

غیر ملکی خبر رساں ادارے کا کہنا تھا کہ فرانسیسی جہاز کے چینی پانی میں پکڑے جانے کے واقعے پر فرانسیسی حکام برائے راست چینی حکومت نے رابطے میں تھے۔

The post چین کا فرانسیسی بحری جہاز آبنائے تائیوان میں روکنے کا دعویٰ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2XKKLgQ
via IFTTT