ماحولیاتی آلودگی کے خلاف احتجاج، مظاہرین نے لندن اسٹاک ایکسچینج بند کردیا

لندن: برطانیہ میں ماحولیاتی تبدیلیوں کے خلاف گیارہ دن تک جاری رہنے والا احتجاج ختم ہوگیا۔

تفصیلات کے مطابق برطانوی دارالحکومت لندن میں ماحولیاتی تبدیلیوں کے خلاف 11دن سے جاری احتجاج ختم ہوگیا، مظاہرے میں سماجی رہنماؤں سمیت موحالیاتی تبدیلیوں سے متعلق آگاہی فراہم کرنے والی تنظیموں نے شرکت کی۔

غیر ملکی خبر رساں ادارے کا کہنا ہے کہ ہزاروں مظاہرین اختتامی تقریب کے لیے ہائیڈ پارک پہنچ گئے، جہاں ماحولیاتی تبدیلیوں سے متعلق لوگوں کو شعور فراہم کرنے کے لیے خصوصی تقاریر ہوں گی۔

مظاہرین نے احتجاج ختم کرنے سےپہلے سڑکوں کی صفائی کی، ماحولیاتی آلودگی کے خلاف احتجاج کے باعث لندن کی اہم سڑکیں بند رہیں۔

برطانوی دارالحکومت لندن میں موسمیاتی تبدیلی کے لیے کام کرنے والے رضاکاروں نے دنیا میں پیدا ہونے والی موسمیاتی تبدیلی کے حوالے شہریوں میں شعور اجاگر کرنے اور مقتدر اداروں کے خلاف اقدامات نہ کرنے پر گزشتہ گیارہ روز سے شدید احتجاج کررہے تھے۔

اس دوران مظاہرین (ایکسٹنشن باغی) نے لندن شہر کے فنانشنل سینٹر سمیت کئی اداروں کو بند کردیا تھا جبکہ مظاہرین کا ایک گروپ ریلوے اسٹیشن میں داخل ہوگیا اور بینر لیکر ٹرین کی چھت پر چڑھ گیا۔

ماحولیاتی آلودگی کے خلاف احتجاج، مظاہرین نے لندن اسٹاک ایکسچینج بند کردیا

اس صورت حال کے پیش نظر حکام کی جانب سے پولیس کی نفری بھی بڑھائی گئی جبکہ برطانوی پارلیمنٹ کے اطراف سیکیورٹی اداروں کی گشت جاری رہی۔

The post برطانیہ میں ماحولیاتی تبدیلیوں کے خلاف جاری احتجاج ختم appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2L2iznX
via IFTTT