راولپنڈی : پاک فوج نے بھارت کا جھوٹ ایک بار پھر دنیا کے سامنے بری طرح بےنقاب کردیا، بھارتی مگ21کے چاروں میزائل سیکرز ہیڈز درست حالت میں دکھا دئیے۔
تفصیلات کے مطابق پاک فوج کے ادارے آئی ایس پی آر کے ڈی جی میجر جنرل آصف غفور نے بھارتی جھوٹ کو ایک بار پھر دنیا بھر کے سامنے بری طرح بےنقاب کردیا، گرائے گئےمگ21طیارے کا ملبہ ہی بھارتی جھوٹ کا ثبوت ہے۔
پاکستان نے بھارتی طیارے کے چاروں میزائل سیکر ہیڈز دنیا کے سامنے پیش کردیے۔ سماجی رابطے کی ویب سائٹ ٹوئٹر پر ڈی جی آئی ایس پی آر میجر جنرل آصف غفور نے بھارتی مگ21کے چاروں میزائل سیکرز ہیڈز درست حالت میں دکھا دئیے۔
IAF claim of hitting F-16 by their Mig 21 before having been shot down by PAF gets exposed. All 4 missile seeker heads recovered intact from the wreckage & held. Pakistan and its professional Armed Forces staying humble by not drum beating. We have more truth on this to share. pic.twitter.com/jOklFU7GDJ
— Maj Gen Asif Ghafoor (@OfficialDGISPR) April 5, 2019
مذکورہ میزائل کی تصویر جاری کرتے ہوئے ان کا کہنا ہے کہ پاکستان شروع سے ہی ثبوت کے ساتھ بات کررہا ہے، بھارتی مگ 21کےچاروں میزائل سیکر ہیڈز ٹھیک حالت میں ہیں۔
انہوں نے مزید کہا کہ پاکستان کے پاس بھارتی جھوٹ کے خلاف ٹھوس ثبوت موجود ہیں، پاکستان اور مسلح افواج تحمل کا مظاہرہ کر رہے ہیں۔
مزید پڑھیں: امریکی جریدے نے پاکستانی ایف 16طیارہ گرانے کا بھارتی دعویٰ جھوٹا قرار دے دیا
یاد رہے امریکی میگزین فارن پالیسی نے پاکستان کے تمام ایف سولہ طیارے گرانے کا بھارتی دعویٰ جھوٹا قرار دیتے ہوئے ایف سولہ طیارہ موجود ہونے کی تصدیق کردی تھی۔
امریکی میگزین فارن پالیسی کے مطابق پاکستان کی دعوت پر امریکی حکام نے پاکستانی ایف سولہ طیاروں کی گنتی کی اور تمام طیارے موجود تھے، کوئی بھی پاکستانی ایف سولہ طیارہ غائب نہیں تھا، بھارتی حکومت نے عالمی برادری کےسامنے غلط بیانی کی۔
The post بھارتی جھوٹ پھر بے نقاب، پاک فوج نے ناقابل تردید ثبوت پیش کردیئے appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar http://bit.ly/2FWAYwP
via IFTTT
No comments:
Post a Comment