اسلام آباد: جرمنی کے سفارت خانے میں تعینات مارٹن کوبلر کے واپس جانے پر پاکستانیوں نے انہیں شاندار الفاظ میں خراج تحسین پیش کیا اور اُن کی خدمات کو دل سے سراہا۔
تفصیلات کے مطابق جرمن حکومت نے مارٹن کوبلر کو 10 اگست 2017 کو پاکستان میں اپنا سفارت کار تعینات کیا جس کے بعد انہوں نے اپنے منفرد انداز سے پاکستانیوں کے دلوں میں گھر کیے۔
مارٹن کوبلر سفارت کاری کے شعبے میں منجھی ہوئی شخصیت مانے جاتے ہیں انہوں نے کئی ممالک میں بطور جرمن سفارت کار امور انجام دیے اور وہ اقوام متحدہ کے خصوصی مشنز کے لیے بھی خدمات انجام دے چکے۔
جرمن سفیر کی پاکستانی ثقافت اور مہمان نوازی نے اس قدر متاثر کیا کہ انہوں نے دورانِ ملازمت پاکستان کا مثبت چہرہ دنیا بھر میں پیش کیا، سماجی رابطے کی ویب سائٹ پر وہ اردو زبان میں بھی ٹویٹ کر کے لوگوں کی توجہ حاصل کرتے تھے۔
جرمن سفیر گاہے بگاہے اپنے سماجی رابطے کی ویب سائٹ پر کبھی بریانی کھانے تو کبھی ٹرک آرٹ یا پھر پاکستانی ثقافت سے متعلق خوبصورت تصاویر شیئر کرتے تھے جنہیں بہت زیادہ پسند کیا جاتا تھا۔
Have a look at my farewell video message for all of you!! Thank you all for your hospitality and respect!! Will keep you in my heart
میرا یہ الوداعی ویڈیو پیغام، آپ سب کیلئے!! آپ لوگوں کی مہمان نوازی اور احترام کے لئے آپ سب کا مشکور ہوں!! آپ کو اپنے دل میں رکھوں گا pic.twitter.com/NtS4MRtsPY— Martin Kobler مارٹن کوبلر (@KoblerinPAK) April 8, 2019
صدر مملکت عارف علوی نے جرمن سفارت کار کے لیے الوداعی تقریب کا اہتمام کیا اور ملاقات کر کے اُن کی خدمات کو بھی سراہا۔ سماجی رابطے کی ویب سائٹ پر صارفین نے مارٹن کوبلر کی واپسی پر افسوس کا اظہار کیا اور انہیں شاندار الفاظ میں خراج تحسین بھی پیش کیا۔
Ambassador of Germany, #MartinKobler, paid a farewell call on President Dr. Arif Alvi at Aiwan-e-Sadr in Islamabad https://t.co/P8j369rpRR pic.twitter.com/SLXV5OCQpC
— Radio Pakistan (@RadioPakistan) April 9, 2019
فرح جعفر نامی صارف نے مارٹن کوبلر کی تصویر شیئر کرتے ہوئے لکھا کہ ’ایک شخص نے ہم سب کے دل جیت لیے‘۔
نعمان ظفر کا کہنا تھا کہ ’مارٹن کے جانے کے بعد ہم اُن کی کمی شدت سے محسوس کریں گے کیونکہ وہ دیگر سفارت کاروں سے بہت زیادہ مختلف تھے اور انہوں نے خوبصورت تصاویر شیئر کر کے پاکستان کا مثبت چہرہ دنیا بھر میں روشناس کرایا‘۔
انجینئر عثمان اعوان کا کہنا تھا کہ ’مارٹن کوبلر نے ثقافت کو تبدیل کیا کیونکہ اُن سے پہلے ہمیں کسی بھی قسم کا کوئی آئیڈیا نہیں تھا‘۔
محمد سعد نے جرمن سفارت کار کا شکریہ ادا کرتے ہوئے لکھا کہ ’مارٹن کوبلر آپ نے پاکستان کا مثبت چہرہ دنیا بھر میں پیش کیا، ہم آپ کو ہمیشہ یاد رکھیں گے اور آپ کے ساتھ کھڑے ہوں گے’۔
Thank you @KoblerinPAK for presenting positive image of Pakistan. We will always remember your support. Have lovely retired life. Our best wishes are with you.
— Muhammad Saad (@meMuhammadSaad) April 9, 2019
فریحہ عزیز کا کہنا تھا کہ ’مارٹن کوبلر پاکستان آپ کی بہت زیادہ کمی محسوس کرے گا، اللہ آپ کا حامی و ناصر ہو’۔
Pakistan will miss you
Stay blessed always!!#MartinKobler pic.twitter.com/Enuas0IyVU
— Fareeha Aziz (@fareeha_aziz1) April 9, 2019
سالار سلطانزئی نے ازراہ مذاق لکھا کہ ’مارٹن کوبلر کا نام ای سی ایل میں تاکہ وہ پاکستان چھوڑ کر نہ جاسکیں کیونکہ وہ ہم سب اور پاکستان کے لیے بہت پیارے تھے‘۔
Lets put @KoblerinPAK on ECL and not allow him to leave Pakistan.
He has been mighty sweet to our country and countrymen!
— Salar Sultanzai (@MeFixerr) April 9, 2019
کامران زیدی نامی صارف نے لکھا کہ ’مارٹن کوبلرکے پاکستان چھوڑنے پر ہمارا دل آنسوؤں سے رو رہا ہے‘۔
You are leaving #Pakistan with tears in our heart…
Goodbye good Friend. #MartinKobler pic.twitter.com/7fAWmJbUko
— Kamran Zaidi (@KamranZaidiPTI) April 9, 2019
دوسری جانب مارٹن کوبلر نے سماجی رابطے کی ویب سائٹ پر اپنا الوداعی پیغام جاری کرتے ہوئے پاکستانیوں کی مہمان نوازی اور اُن کی طرف سے ملنے والی محبتوں کا شکریہ ادا کیا۔
The post ’’مارٹن کوبلر، آپ ہمیں بہت یاد آئیں گے، دل رو رہا ہے‘‘ appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar http://bit.ly/2U9wTu4
via IFTTT
No comments:
Post a Comment