عصمت کیس، مجرمانہ غفلت برداشت نہیں کریں گے: وزیر اعلیٰ سندھ

کراچی: وزیر اعلیٰ سندھ مراد علی شاہ نے کہا ہے کہ عصمت کیس میں مجرمانہ غفلت کرنے والوں کو برداشت نہیں کریں گے.

ان خیالات کا اظہار انھوں نے عصمت کی فیملی سے تعزیت کے بعد ابراہیم حیدری میں میڈیا سے گفتگو کرتے ہوئے کیا.

انھوں‌ نے کہا کہ جن ڈاکٹرز کے خلاف فیملی کو شک ہے، اس کے خلاف کارروائی ہوگی، کسی ڈاکٹر کے خلاف کسی غلطی کی وجہ سے کارروائی نہیں چاہتے.

وزیراعلیٰ سندھ نے کہا کہ ہم غفلت کرنے والوں کوبرداشت نہیں کریں گے، اسپتال میں ڈاکٹرز کی کمی ہے، جس کو پورا کر رہے ہیں، جس ڈاکٹر کے خلاف انکوائری ہے، وہ ٹی وی پر گفتگو کر رہا ہے.

میڈیا کو ایسے لوگوں کوروکنا چاہیے، نشوہ کیس میں ہم ہیلتھ کمیشن کی رپورٹ سے مطمئن نہیں، پولیس کو میں نے دونوں کیسز میں ہدایت کی ہے کہ گرفتاریاں کریں.

کورنگی اسپتال کے ڈاکٹر ایاز عباسی کو گرفتار کرنے کا حکم

---

بعد ازاں وزیراعلیٰ نے پولیس کوعصمت کی فیملی کی مرضی کی ایف آئی آردرج کرنے کی ہدایت کرتے ہوئے کورنگی اسپتال کے ڈاکٹرایازعباسی کو گرفتار کرنے کا حکم جاری کر دیا.

وزیر اعلیٰ نے کورنگی اسپتال کےایم ایس ڈاکٹر خالد بخاری کو معطل کرنے کی ہدایت کرتے ہوئے کہا کہ عصمت کے قتل میں ملوث ملزمان کوسزا ضرور ملے گی، متاثرہ فیملی کی بھرپور مدد کریں گے.

The post عصمت کیس، مجرمانہ غفلت برداشت نہیں کریں گے: وزیر اعلیٰ سندھ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2W9KVOt
via IFTTT