یہ بھی پڑھیں: چینی لڑکی کا قبولِ اسلام، پاکستانی نوجوان سے شادی کر لی

کراچی: شہرِ قائد میں ایک چینی باشندے نے قانون کی خلاف ورزی کے بعد کسی بھی کارروائی سے بچنے کے لیے چپ کا سہارا لے لیا۔

تفصیلات کے مطابق کراچی میں ایک چینی شہری کی ویڈیو وائرل ہو گئی ہے، جس میں وہ قانون کی خلاف ورزی کے بعد پولیس کے سامنے معصوم صورت بنائے ہونٹوں پر تالا لگا کر بیٹھا نظر آتا ہے۔

ویڈیو کے مطابق ٹریفک قانون کی خلاف ورزی کے بعد پولیس نے مذکورہ چینی کو روکا اور پوچھ گچھ کی تو چینی نے کوئی جواب نہیں دیا جس پر پولیس اہل کار زچ ہو گیا۔

پولیس اہل کار کے بار بار پوچھنے پر بھی چینی شہری نے جواب نہیں دیا اور خاموش رہا، پولیس اہل کار کا کہنا تھا کہ چینی باشندے کو اردو بھی آتی ہے اور انگریزی بھی، پھر بھی بات نہیں کی۔

یہ بھی پڑھیں:  چینی لڑکی کا قبولِ اسلام، پاکستانی نوجوان سے شادی کر لی

ویڈیو میں پولیس اہل کار کہتا نظر آ رہا ہے کہ چینی باشندہ مسلسل چپ کر کے بیٹھے ہوئے ہیں اور کوئی جواب نہیں دیتے، انھیں قانون کی خلاف ورزی پر روکا گیا، انھوں نے سیٹ بیلٹ بھی نہیں پہنی تھی۔

ویڈیو میں نظر آ رہا ہے کہ گاڑی میں چینی شہری کے ساتھ ایک خاتون بھی موجود ہیں، خاتون نے بھی اس دوران منہ نہیں کھولا۔

موصولہ اطلاعات کے مطابق پولیس اہل کار نے چینی باشندے کو بغیر چالان کے چھوڑ دیا۔

The post کراچی: قانون کی خلاف ورزی، چینی ڈرائیور نے چپ کا سہارا لے کر پولیس سے جان چھڑالی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2VvpLK3
via IFTTT