مزید پڑھیں: وزیراعظم عمران خان چار روزہ دورے پر چین روانہ

اسلام آباد: وزیر اعظم عمران خان نے کہا ہے کہ پاکستان  ہر سطح پر چین کی حمایت جاری رکھے گا.

ان خیالات کا اظہار انھوں نے دورہ چین سے متعلق اپنے خصوصی بیان میں کیا. ان کا کہنا تھا کہ اسٹریٹجک پارٹنر شپ کو نئی بلندیوں تک لے جانے کے لئے دورہ کر رہا ہوں.

وزیر اعظم نے کہا کہ چین پاکستان کا مضبوط اور دوست ہمسایہ ملک ہے، چینی صدر سے دوطرفہ تعلقات پر تفصیلی تبادلہ خیال کروں گا.

انھوں نے کہا کہ باہمی مفادات کے شعبوں میں تعاون پر بھی بات چیت ہوگی، پاک چین دوطرفہ تعلقات مضبوط اور باہمی اعتماد میں جڑے ہوئے ہیں.

وزیر اعظم نے کہا کہ پاک چین دوستی ہمارے عوام کے دلوں اور دماغوں میں نقش ہوچکی ہے، یہ دوستی کسی علاقائی، بین الاقوامی پیش رفت سے متاثر نہیں ہوگی.

مزید پڑھیں: وزیراعظم عمران خان چار روزہ دورے پر چین روانہ

انھوں نے کہا کہ چین کے تعاون اور حمایت پر شکر گزارہوں، پاکستان ہرسطح پرچین کی حمایت جاری رکھے گا.

یاد رہے کہ وزیراعظم عمران خان دورہ چین پر روانہ ہوگئے، وزیراعظم بیلٹ اینڈروڈ فورم کی افتتاحی تقریب میں پاکستان کی نمائندگی کریں گے جبکہ چینی صدر سےون آن ون ملاقات اٹھائیس اپریل کوہوگی۔

The post پاکستان ہر سطح پر چین کی حمایت جاری رکھے گا: وزیر اعظم عمران خان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2IKCupA
via IFTTT