ٹریفک لین کی خلاف ورزی خطرناک ثابت ہوسکتی ہے

اسلام آباد :اسلام آباد ٹریفک پولیس کی لین ڈسپلن کی پابندی کو یقینی بنانے کےلئے خصوصی مہم جاری ،رواں سال لین وائیلشن کی خلاف ورزی کرنے والے7450 ڈرائیورزکے خلاف کاروائی کی گئی۔

تفصیلات کے مطابق اسلام آباد ٹریفک پولیس کے اسپیشل اسکواڈ اسلام آباد کی مختلف شاہراہوں پر شہریوں کولین اور لائن ڈسپلن پر آگاہی فراہم کر نے کے ساتھ ساتھ لین وائلیشن کرنے والوں کے خلاف کاروائی بھی کر رہے ہیں ،دوران ڈرائیونگ لین ڈسپلن کی پابند ی کو یقینی بنایا جائےگا۔ ایس ایس پی ٹریفک فرخ رشید کا کہنا ہے کہ نظم و ضبط کو یقینی بنانے کے لیے شہری ٹریفک پولیس سے تعاون کریں ۔

اسلام آباد ٹریفک پولیس کی جانب سے جاری اس مہم کا مقصد شہریوں کے جان و مال کا تحفظ، ٹریفک کی یقینی روانی اور سفر کو محفظ بنانا ہے ۔ یہ مہم اسلام آبا د ٹریفک پولیس کے ایجوکیشن ونگ کی جان سے ایک خصوصی ٹیم چلا رہی ہے۔ اس میں اسلام آباد کی اہم شاہراؤں پر ٹریفک پولیس کے افسران موجو د ہوں گے جن میں ایکسپریس وے ، کشمیر وے ، مری روڈ سمیت دیگر بڑی شاہراؤں پر عوام کو آگاہی دی جارہی ہے۔

اس حوالے سے اسلام آباد ٹریفک پولیس کا ریڈیو ایف ایم 92.4 بھی اپنا خصوصی کردار ادا کررہا ہے، لین ڈسپلن اور ٹریفک قوانین سے آگاہی کے لیے خصوصی پروگرام نشر کیے جارہے ہیں اور اس خصوصی مہم کی نگرانی ایس ایس پی ٹریفک فرخ رشید خود کررہے ہیں۔

انہوں نے اس حوالےسے جاری کردہ خصوصی پیغام میں شہریوں سے اپیل کی ہے کہ ٹریفک لین کی خلاف ورزی خطرناک ثابت ہوتی ہے۔ منظم ٹریفک اور قوانین کی پاسداری کا بنیادی مقصد ملک کے ہر شہری کے لیے سڑک پر سفر کو محفوظ بنانا ہے، زیادہ تر حادثات اور ٹریفک جام کے پیچھے قوانین کی خلاف ورزی کارفرما ہوتی ہے لہذا شہری اس مہم کی اہمیت کو سمجھتے ہوئے نہ صرف خود آگاہی حاصل کرکے اس پر عمل کریں بلکہ ذمہ دار شہری ہونے کے ناطے اس معلومات کو آگے بھی پہنچائیں۔

The post ٹریفک لین کی خلاف ورزی خطرناک ثابت ہوسکتی ہے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2OSY2AB
via IFTTT