مزید پڑھیں: نواز شریف اور مولانا فضل الرحمان کل اہم ملاقات کریں گے

اسلام آباد: پاکستان مسلم لیگ ن نے حکومت کے خلاف سڑکوں پر احتجاج کا سلسلہ عید کے بعد شروع کرنے کا عندیہ دے دیا۔

تفصیلات کے مطابق پاکستان مسلم لیگ ن کے سیکریٹری اطلاعات سینیٹر مشاہد اللہ خان نے پی ٹی آئی حکومت کے خلاف سڑکوں پر احتجاج کا سلسلہ عید کے بعد جون میں شروع کرنے کا عندیہ دے دیا۔

مشاہد اللہ خان نے کہا کہ حکومت نے ملک بالخصوص معیشت کو ناقابل تلافی نقصان پہنچایا ہے، عید کے بعد ممکن ہے کہ پی ٹی آئی حکومت کے خلاف اپوزیشن سڑکوں پر آجائے۔

پیپلزپارٹی سے اتحاد کے حوالے سے انہوں نے کہا کہ غیررسمی طور پر اپوزیشن متحد ہے اور جلد اکٹھے بیٹھ کر مشترکہ حکمت عملی ترتیب دی جائے گی۔

مزید پڑھیں: نواز شریف اور مولانا فضل الرحمان کل اہم ملاقات کریں گے

مشاہد اللہ خان نے کہا کہ اگر وزیراعظم عمران خان کو لگتا ہے کہ اپوزیشن کی قیادت کو جیل بھیجنے سے ان کی آواز کو دبایا جاسکتا ہے تو وہ غلط سمجھتے ہیں۔

واضح رہے کہ مسلم لیگ ن کے قائد نواز شریف اور جمعیت علماء (ف) کے سربراہ مولانا فضل الرحمان کے درمیان کل جاتی امرا میں ملاقات ہوگی۔

توقع کی جارہی ہے کہ اس ملاقات میں اپوزیشن جماعتوں کا آئندہ کا لائحہ عمل طے کیا جائے گا، ملاقات میں نیب کیسز، اپوزیشن جماعتوں کے خلاف حکومتی رویے سمیت سیاسی صورت حال پر تبادلہ خیال ہوگا۔

The post مسلم لیگ ن نے حکومت کے خلاف عید کے بعد سڑکوں پر آنے کا عندیہ دے دیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2WREmzV
via IFTTT