حمزہ شہباز کی گرفتاری : رینجرز کے دستے رہائش گاہ کے باہر الرٹ

اسلام آباد: وفاقی وزیر اطلاعات فواد چوہدری نے کہا ہے کہ قانون اور اداروں کا احترام سب پرلازم ہے.

وزیراطلاعات نے ان خیالات کا اظہار خصوصی پریس کانفرنس میں کیا. ان کا کہنا تھا کہ یہ لوگ قانون کی بات کرتے ہیں، لیکن خودا حترام نہیں کرتے، چاہتے ہیں، ان سے کوئی اثاثوں کی تفصیلات نہ پوچھے، اثاثوں کی تفصیلات پوچھی جائے، تو انھیں ناگوارگزرتا ہے.

پیپلزپارٹی اورن لیگ چاہتی ہے کہ قوم کاپیسہ ان کی جیب میں جاتا رہے.

فواد چوہدری

فواد چوہدری کے مطابق 2008 سے 2018 تک 60 ارب ڈالر کا قرضہ لیا گیا، کوئی ان سے پوچھے کہ 60 ارب ڈالرکا ان لوگوں نے کیا کیا؟ پیپلزپارٹی اورن لیگ چاہتی ہے کہ قوم کاپیسہ ان کی جیب میں جاتا رہے.

ان کا کہنا تھا کہ حمزہ شہباز کی گرفتاری کے لئے ماڈل ٹاؤن میں آپریشن ہورہا ہے، ان لوگوں نے اپنے دورمیں ماڈل ٹاؤن میں آپریشن کیا تھا، ماڈل ٹاؤن میں ماضی کےآپریشن اورآج کے آپریشن کو دیکھ لیں، ان کے دورمیں آپریشن میں بے گناہ لوگوں کوقتل کیا گیا، نیب کے پاس اختیارہے، لیکن پھربھی کل سے گرفتاری نہیں دی گئی، حمزہ شہبازخواتین اوربچوں کوڈھال کے طور پر استعمال کر رہے ہیں.

وقت آگیا ہے کہ ہم سیاست اور جرم میں فرق کرلیں، ایک طرف کہتےہیں احتساب کے لئے تیار ہیں، دوسری طرف غنڈہ گردی ہے، حسن اورحسین کہتے تھے کہ احتساب کے لئے تیار ہیں، عدالت نے طلب کیا تو کہتے ہیں کہ برطانوی شہری ہیں پیش نہیں ہوں گے.

مزید پڑھیں: حمزہ شہباز کی گرفتاری : رینجرز کے دستے رہائش گاہ کے باہر الرٹ

نیب الزام کےمطابق حمزہ شہبازنے 2 افراد کے ذریعے منی لانڈرنگ کی، دونوں افراد کا کہنا ہے کہ حمزہ شہبازکے کہنے پر 85 ارب بیرون ملک بھیجے، ن لیگ کہتی ہےان الزامات پر حمزہ شہباز کو گرفتارنہیں کرسکتے، پی پی اورن لیگ کی حکومت کی وجہ سے ملک دیوالیہ کے قریب ہے.

انھوں نے کہا کہ سرمایہ کاری کے لئے کوششیں کررہے ہیں، جس کے نتائج مل رہے ہیں، ایک ایمنسٹی اسکیم لارہے ہیں. جس کے ملک پر مثبت اثرات مرتب ہوں گے، عام لوگوں کے لئے بہترین اسکیمز لا رہے ہیں، جس سے فائدہ ہوگا. برآمدات بڑھانے کے لئے اقدامات کیے جا رہے ہیں، معیشت پرہمارا بھرپور کنٹرول ہے.

The post حمزہ شہباز خواتین اوربچوں کو ڈھال کے طور پر استعمال کر رہے ہیں: فواد چوہدری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2FYkG6n
via IFTTT