وزیراعظم سے مائیکروسافٹ کے بانی بل گیٹس کی اہم ملاقات

نیویارک: وزیراعظم عمران خان سے مائیکروسافٹ کے بانی بل گیٹس نے ملاقات کی اور باہمی دلچسپی کے امور پر تبادلہ خیال کیا۔

تفصیلات کے مطابق مائیکروسافٹ کے بانی بل گیٹس وزیراعظم عمران خان سے ملاقات کرنے کے لیے ان کے ہوٹل پہنچے۔ وزیراعظم عمران خان اور بل گیٹس کی ملاقات 30 منٹ تک جاری رہی۔

وزیراعظم عمران خان اور بل گیٹس کے درمیان ہونے والی ملاقات میں باہمی دلچسپی کے امور پر تبادلہ خیال کیا گیا۔

بل اینڈ میلنڈا گیٹس فاؤنڈیشن نے پاکستان کو آئندہ برس احساس پروگرام پر عملدرآمد کے لیے 20 کروڑ ڈالر فراہم کرنے پر اتفاق کیا۔ دونوں فریقین نے نیویارک میں ملاقات میں مفاہمت کی یاداشت پر دستخط کیے۔

ملاقات میں وزیراعظم عمران خان، احسا پروگرام کی چیئرپرسن ڈاکٹر ثانیہ نشتر اور بل گیٹس موجود تھے۔ معاہدے کے مطابق یہ رقم غربت کے خاتمے کے 134 منصوبوں پر خرچ کی جائے گی۔

یاد رہے کہ رواں سال اگست میں مائیکروسافٹ کے بانی بل گیٹس نے وزیراعظم عمران خان سے ملاقات کی خواہش کا اظہار کیا تھا۔

مائیکروسافٹ کے بانی بل گیٹس کی جانب سے وزیراعظم عمران خان کو ایک خط لکھا گیا تھا جس میں انہوں نے خیبرپختونخواہ میں بڑھتے ہوئے پولیو کیسز پر اجلاس طلب کرنے پر وزیراعظم کا شکریہ ادا کیا تھا۔

بل گیٹس نے پولیو کے خاتمے میں کی جانے والی کوششوں پر حکومت پاکستان کو خراج تحسین پیش کرتے ہوئے کہا تھا کہ پولیو کو ختم کرنے کے لیے والدین کے ذہنوں سے شکوک وشبہات نکلالنا انتہائی ضروری ہیں۔

The post وزیراعظم سے مائیکروسافٹ کے بانی بل گیٹس کی اہم ملاقات appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2lHbeyu
via IFTTT