اقوام متحدہ کی حافظ سعید کو منجمد اکاؤنٹس سے ماہانہ رقم نکالنے کی اجازت

نیویارک : اقوام متحدہ نے کالعدم تنظیم جماعت الدعوۃ کے سربراہ حافظ سعید منجمد اکاؤنٹس سے رقم نکالنے کی اجازت دے دی، روزمرہ کے اخراجات کے لئے ہر ماہ بینک سے ڈیڑھ لاکھ روپے نکال سکیں گے۔

تفصیلات کے مطابق اقوام متحدہ نے کالعدم تنظیم جماعت الدعوۃ کے سربراہ حافظ سعید کو منجمداکاؤنٹس سے ماہانہ رقم نکالنے کی اجازت دے دی۔

جاری یواین لیٹرکے مطابق حافظ سعید کو منجمداکاؤنٹس کے استعمال کرنے کی اجازت سلامتی کونسل کی خصوصی کمیٹی نےانسانی ہمدردی کی بنیاد پر دی۔

حافظ سعید کو روزمرہ کے اخراجات پورے کرنے کیلئے منجمد بینک اکاؤنٹس سے ماہانہ ڈیڑھ لاکھ روپے نکالنے کی اجازت دی گئی ہے۔

خیال رہے حافظ سعید کے تمام بینک اکاؤنٹس اقوام متحدہ کی ہدایت پرمنجمد کیے گئے تھے۔

واضح رہے اقوام متحدہ کی سلامتی کونسل نے نومبر 2008 میں جماعت الدعوۃ کو دہشت گرد تنظیم قرار دیتے ہوئے اس پر پابندیاں عائد کی تھیں۔

بعد ازاں سال 2014 میں امریکا نے بھی جماعت الدعوۃ کو دہشت گرد تنظیم قرار دیتے ہوئے اس پر مالی پابندیاں عائد کیں اور حافظ سعید کے بارے میں معلومات فراہم کرنے پر ایک کروڑ ڈالر انعام دینے کا بھی اعلان کیا تھا۔

سنہ 1948 میں پیدا ہونے والے حافظ سعید نے پہلے لشکر طیبہ کے نام سے اپنی تنظیم کی بنیاد رکھی تھی، جب اس پر پابندی لگی تو انہوں نے جماعت الدعوۃ کے نام سے اپنی سرگرمیاں شروع کردی تھیں۔

The post اقوام متحدہ کی حافظ سعید کو منجمد اکاؤنٹس سے ماہانہ رقم نکالنے کی اجازت appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2leY2R7
via IFTTT