کشمیری عالمی برادری کی طرف دیکھ رہے ہیں، شاہ محمود قریشی

نیویارک: وزیرخارجہ شاہ محمود قریشی کا کہنا ہے کہ عالمی تنظیموں نے مقبوضہ کشمیر میں انسانی حقوق کی خلاف ورزیوں کے خلاف آواز اٹھائی۔

تفصیلات کے مطابق نیوریارک میں وزیرخارجہ شاہ محمود قریشی کی زیرصدارت انسانی حقوق کی تنظیموں کی کانفرنس ہوئی جس میں مقبوضہ کشمیرمیں انسانی حقوق کی خلاف ورزیوں پر تبادلہ خیال کیا گیا۔

شاہ محمود قریشی نے کہا کہ مقبوضہ کشمیرمیں بھارت نے مظالم کا بازارگرم کر رکھا ہے، 53 روزسے کشمیرمیں 80 لاکھ انسان کرفیو سے انتہائی کرب میں ہیں۔

انہوں نے کہا کہ کشمیری عالمی برادری کی طرف دیکھ رہے ہیں، عالمی تنظیموں نے مقبوضہ کشمیر میں انسانی حقوق کی خلاف ورزیوں کے خلاف آواز اٹھائی۔

مقبوضہ کشمیر میں کرفیو کا 54 واں روز

مقبوضہ کشمیر میں آج مسلسل 54ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

The post کشمیری عالمی برادری کی طرف دیکھ رہے ہیں، شاہ محمود قریشی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2lzzOkI
via IFTTT