کوئٹہ: بلوچستان میں رواں سال رپورٹ ہونے والے ڈینگی کیسز کی تعداد 2823 تک پہنچ گئی ہے، محکمہ صحت کے سرکاری اعداد و شمار کے مطابق صوبے میں 1898 افراد میں ڈینگی وائرس کی تصدیق ہوئی ہے۔
محکمہ صحت بلوچستان کے اعداد وشمار کے مطابق رواں سال صوبے بھر میں 2823 ڈینگی کیسز کے علاوہ 925 افراد سے متعلق شبہ ہے کہ وہ ڈینگی وائرس سے متاثر ہیں صوبے میں ڈینگی سے اب تک 3 افراد جاں بحق ہوئے ہیں۔
محکمہ صحت بلوچستان کے مطابق صوبے میں ڈینگی کیسز ضلع کیچ ، گوادر اور لسبیلہ میں سامنے آئے ہیں جن میں ضلع کیچ سب سے زیادہ متاثر ہوا جہاں 1747 کیسز رپورٹ ہوئے گوادر میں 872 اور لسبیلہ میں تاحال 204 ڈینگی کے کیسز رپورٹ ہوچکے ہیں۔
سیکرٹری صحت بلوچستان حافظ عبد الماجد کے مطابق متاثرہ اضلاع میں ڈینگی کی تدارک کیلئے اقدامات اٹھائے جارہے ہیں اور متاثرہ اضلاع میں علاج معالجہ کے ساتھ حفاظتی تدابیر اختیار کرنے کے لئے بھی مہم چلائی جاررہی ہے۔
راولپنڈی میں ڈینگی مچھر نے مزید دو افراد کی جان لے لی، مجموعی تعداد 28 ہوگئی
انہوں نے کہا کہ وزیر اعلیٰ بلوچستان جام کمال خان کی ہدایات پر ڈینگی سے نمٹنے کیلئے مؤثر اور قابل عمل حکمتِ عملی مرتب کر لی گئی ہے اور ڈینگی وائرس کے تدارک کے لیے اقدامات کی مانیٹرنگ کی جاررہی ہے۔
ان کا کہنا تھا کہ حسب ضرورت طبی و تیکنیکی معاونت کے لیے متعلقہ ماہرینِ طب سے کوآرڈینشن جاری ہے اور موجودہ صورتحال سے نبردآزما ہونے کے لیے تمام دستیاب وسائل جامع منصوبہ بندی کے تحت بروئے کار لائے جاررہے ہیں۔
The post بلوچستان میں رواں سال رپورٹ ہونے والے ڈینگی کیسز کی تعداد 2823 تک پہنچ گئی appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2oCUIAF
via IFTTT
No comments:
Post a Comment