اسلام آباد: وزیراعظم عمران خان کے معاون خصوصی عثمان ڈار کا کہنا ہے کہ عمران خان کی شکل میں سچا اور ایماندار لیڈر پاکستان کی خوش قسمتی ہے۔
تفصیلات کے مطابق وزیراعظم عمران خان کے معاون خصوصی عثمان ڈار نے کہا کہ ملک وقوم کی ترقی کے لیے محنت کرنے والے وزیراعظم کو سالگرہ مبارک ہو۔
انہوں نے کہا کہ پوری قوم وزیراعظم کی صحت اوردرازی عمر کے لیے دعاگو ہے، عمران خان کی شکل میں سچا اور ایماندار لیڈر پاکستان کی خوش قسمتی ہے۔
وزیراعظم عمران خان کے معاون خصوصی نے کہا کہ دعا ہے اللہ وزیراعظم کے نئے پاکستان کا خواب جلد پورا کرے۔
عثمان ڈار نے کہا کہ نوجوان مقصد کے حصول میں صرف وزیراعظم کو آئیڈیل سمجھتے ہیں، وزیراعظم عزم حوصلے، استقامت کے ذریعے ملک کی تقدیر ضرور بدلیں گے۔
واضح رہے کہ وزیراعظم اور پاکستان تحریک انصاف کے سربراہ عمران خان نے 67 بہاریں دیکھ لیں۔ عمران خان 5 اکتوبر 1952 کو لاہور میں پیدا ہوئے۔
پاکستان میں سماجی رابطے کی ویب سائٹ ٹویٹر پر وزیراعظم عمران خان کی سالگرہ کے حوالے سے ٹاپ ٹرینڈ بن گیا ہے۔
The post عثمان ڈار کی وزیراعظم کو67 ویں سالگرہ پر مبارکباد appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/30NHi2b
via IFTTT
No comments:
Post a Comment