اسلام آباد: وزیراعظم کی معاون خصوصی برائے اطلاعات فردوس عاشق اعوان نے کہا ہے کہ ملکی دولت کو بے رحمی سے لوٹنے والوں کی کرپشن کی گواہی بیرون ملک سے بھی آرہی ہے۔
اپنے ایک بیان میں ان کا کہنا تھا کہ یہ کرپشن قوم کے دفاع اور سلامتی سے کھیلنے کی مترادف تھی، قوم کو پتہ چلنا چاہیے کہ لوٹی دولت کہاں گئی؟
انہوں نے سوال اٹھایا کہ پیسے سے بلاول کی سکول فیس کی ادائیگی میں کتنے صرف ہوئے اور کتنے سرے محل خریدے گئے؟ قوم کو پتہ چلنا چاہیے کہ چوری کی گئی رقم کہاں ہے۔
فردوس عاشق اعوان کا کہنا تھا کہ چوروں نے غریبوں کی کٹیا اجاڑ کر اپنے محل تعمیر کئے، غریبوں کو مہنگائی کی دلدل میں دھنسا کر خود گھوڑے پالتے رہے۔
انہوں نے کہا کہ لٹیروں نے قوم کے بچوں کی دوائیوں کے پیسے چھوڑے، نہ اسکولوں کے بجٹ معاف کئے اور نہ ہی سڑک، اسپتال اور روٹی کے فنڈز بھی ان سے نہ بچ سکے۔
ای کامرس پالیسی کاروباری سرگرمیوں میں اضافے کا باعث بنے گی: فردوس عاشق اعوان
خیال رہے کہ گذشتہ روز فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ای کامرس وزیر اعظم کے وژن کے تحت کاروبار میں آسانیاں پیدا کرنے، نوجوانوں اور چھوٹے کاروباری طبقے کی حوصلہ افزائی کی جانب اہم حکومتی قدم ہے۔
The post ملک کو لوٹنے والوں کے خلاف گواہی بیرون ملک سے بھی آرہی ہے: فردوس عاشق اعوان appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2nPOPA8
via IFTTT
No comments:
Post a Comment