حکومت اور تمام ادارے ایک پیج پر ہیں، ہمایوں اختر خان

لاہور: پاکستان تحریک انصاف کے رہنما ہمایوں اخترخان کا کہنا ہے کہ حکومت کسی مارچ اور دھرنے سے خوفزدہ ہے اور نہ احتساب کے جاری عمل میں کوئی رکاوٹ ڈالی جائے گی۔

تفصیلات کے مطابق تحریک انصاف کے رہنما ہمایوں اخترخان نے کہا کہ ملک کو مشکلات کی دلدل سے نکالنے کے لیے حکومت اور تمام ادارے ایک پیج پر ہیں اور یہی اپوزیشن کی بے چینی کی اصل وجہ ہے۔

انہوں نے کہا کہ ن لیگ اور پیپلز پارٹی کو اپنی سیاسی حیثیت کا اندازہ ہے اس لیے وہ مولانا فضل الرحمان کے پلیٹ فارم سے مدارس کے بچوں کے ذریعے حکومت پر دباﺅ ڈالنے کے حربے استعمال کر رہے ہیں۔

ہمایوں اخترخان نے کہا کہ حکومت کسی مارچ اور دھرنے سے خوفزدہ ہے اور نہ احتساب کے جاری عمل میں کوئی رکاوٹ ڈالی جائے گی۔

تحریک انصاف کے رہنما نے کہا کہ حکومت تمام طبقات کے مسائل سے آگاہ ہے اور ان کے حل کے لیے دن رات کوشاں ہے ، آئی سی یو میں پڑی معیشت کی سانسیں بحال ہو رہی ہے اور نجی شعبہ ترقی کی جانب گامزن ہو رہا ہے۔

انہوں نے کہا کہ حکومت معیشت کو دستاویزی شکل دے رہی ہے اور چور راستے بند کر رہی ہے جس کا آنے والے سالوں میں تمام طبقات کو فائدہ ہوگا۔

The post حکومت اور تمام ادارے ایک پیج پر ہیں، ہمایوں اختر خان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/334iowz
via IFTTT