یہ بھی پڑھیں: سندھ میں ڈینگی سے متاثرہ مریضوں کی تعداد 15058 ہوگئی

کراچی: شہر قائد میں ڈینگی وائرس سے متاثرہ مزید 2 مریض دم توڑ گئے، جس کے بعد ڈینگی کے باعث اموات کی تعداد 42 ہو گئی ہے۔

تفصیلات کے مطابق کراچی میں مزید دو افراد ڈینگی وائرس کے سبب دم توڑ گئے، جاں بحق ہونے والوں میں نارتھ ناظم آباد کی رہایشی خاتون اور گلشن ملیر رفاہ عام کا رہایشی 3 ماہ کا بچہ شامل ہیں۔

ڈینگی کے دونوں مریض نجی اسپتالوں میں زیر علاج تھے، ڈینگی سرویلنس سیل کا کہنا ہے کہ ڈینگی کے باعث اموات کی تعداد 42 ہو گئی ہے، کراچی میں گزشتہ چوبیس گھنٹوں کے دوران 101 اور سندھ کے دیگر اضلاع میں ڈینگی کے 11 نئے کیس رپورٹ ہوئے، جب کہ کراچی کے 14241 سمیت سندھ میں ڈینگی کیسز کی مجموعی تعداد 15304 ہو گئی۔

یہ بھی پڑھیں:  سندھ میں ڈینگی سے متاثرہ مریضوں کی تعداد 15058 ہوگئی

خیال رہے ایک رپورٹ میں بتایا گیا تھا کہ رواں سال ملک میں ڈینگی کے 50 ہزار سے زائد کیسز رپورٹ ہوئے ہیں، سب سے زیادہ ڈینگی کیسز سندھ سے رپورٹ ہوئے جب کہ وفاقی دارالحکومت سے رواں برس 13200 کیس سامنے آئے۔

رواں برس ملک میں ڈینگی سے 80 سے زائد اموات بھی ہو چکی ہیں، جس میں 42 اموات سندھ میں ہوئیں جب کہ وفاقی دارالحکومت میں ڈینگی سے 22 اموات ہوئیں۔

کراچی میں ڈینگی سرویلنس سیل کی جانب سے تاحال ڈینگی لاروے کو تلف کرنے کے لیے اسپرے اور فیومیگیشن کا عمل شروع نہیں کیا گیا۔ سرد موسم کے باوجود ڈینگی کیسز کی تعداد میں اضافے کا سلسلہ جاری ہے۔

The post کراچی میں ڈینگی کے باعث مزید 2 مریض دم توڑ گئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/37Vx8RV
via IFTTT