گزشتہ ہفتے ڈالر کی قیمت میں معمولی کمی

کراچی: گزشتہ ہفتے ڈالر کی قیمت میں معمولی کمی دیکھی گئی جس کے بعد ڈالر کی قیمت 155.23 ہوگئی۔

تفصیلات کے مطابق گزشتہ ہفتے ڈالر کی قیمت میں معمولی کمی ہوئی۔ ایک ہفتے میں انٹر بینک میں ڈالر 6 پیسے سستا ہوا۔

گزشتہ ہفتے کے دوران ڈالر کی قدر میں اتار چڑھاؤ دیکھا جاتا رہا تاہم ہفتے کے آخری کاروباری روز انٹر بینک میں ڈالر 155.29 سے کم ہوکر 155.23 روپے پر بند ہوا۔

دوسری جانب اوپن مارکیٹ میں ڈالر 20 پیسے مہنگا ہوا، اوپن مارکیٹ میں ڈالر 155.40 سے بڑھ کر 155.60 روپے کا ہوگیا۔

گزشتہ ہفتے پاکستان اسٹاک مارکیٹ میں بھی زبردست تیزی دیکھنے میں آئی، ایک ہفتے میں 100 انڈیکس میں 13 سو 61 پوائنٹس کا اضافہ ہوا جس کے بعد انڈیکس 8 ماہ بعد 39 ہزار کی سطح عبور کرگیا۔

گزشتہ ہفتے اسٹاک مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی۔

The post گزشتہ ہفتے ڈالر کی قیمت میں معمولی کمی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2R68xUc
via IFTTT