میونسپلٹی حکام کی کارروائی، شہربھر میں 23 دکانیں سیل

ریاض : سعودی ٹاؤن بیشہ میں خلاف ورزی کرنے پر حکام نے 23 دکانیں سیل کردی جبکہ متعدد دکانداروں کو تنبیہی نوٹس جاری کردیا۔

غیر ملکی خبر رساں ادارے کا کہنا تھا سعودی عرب کے شہر بیشہ کی میونسپلٹی نے شہر بھر میں دکانداروں کو جاری کی جانے والی ہدایات پر عمل درآمد دیکھنے کےلیے دورہ کیا تو 23 دکانوں کو خلاف ورزی کا مرتکب پایا۔

میونسپلٹی کے سربراہ ابراہیم القرنی کا کہنا ہے کہ حکام نے شہر بھر 23 دکانیں سیل کی ہیں جبکہ تفتیشی ٹیمیوں نے القوبا کے علاقے میں 21 البہیم میں 19 اور قریہ الحجیرات میں 11 دکانوں کو خبردار کیا ہے۔

عرب خبر رساں ادارے کا کہنا تھا کہ دورے کے دوران تفتیشی ٹیموں نے صحت کے اصولوں کا بھی جائزہ لیا اور اسٹوریج قوانین کی خلاف ورزی کرنے کھانے پینے کی اشیاء فروخت کرنے والی دکانوں کو سیل کردیا۔

ابراہیم القرنی نے کہنا تھا کہ حکام نے دورے کے دوران اقامہ و لیبر قوانین خلاف ورزیاں کرنے والے تارکین وطن کو گرفتار کرکے محکمہ پاسپورٹ کے حوالے کردیا۔

The post میونسپلٹی حکام کی کارروائی، شہربھر میں 23 دکانیں سیل appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2ERSDWi
via IFTTT