کراچی کا درجہ حرارت مزید نیچے آنے کی پیشگوئی

کراچی : محکمہ موسمیات نے کراچی کا درجہ حرارت مزید نیچے آنے کی پیشگوئی کرتے ہوئے کہا کہ رات میں سردی میں اضافے کا امکان ہے جبکہ مطلع جزوی ابرآلود رہے گا۔

تفصیلات کے مطابق ملک کے بیشتر علاقوں میں موسم شدید سرد ہے ، کراچی میں بھی سرد ہواؤں کا گشت جاری ہے اور رات میں سردی میں اضافے کا امکان ہے جبکہ موسم جزوی ابرآلود رہے گا۔

شہر کا موجودہ درجہ حرارت 24 ڈگری سینٹی گریڈ اور ہوا میں نمی کا تناسب 25 فیصد ہے جبکہ آج زیادہ سے زیادہ درجہ حرارت 28سے30ڈگری تک رہے گا۔

کوئٹہ میں درجہ حرارت منفی ایک ڈگری سینٹی گریڈ تک گرگیا ، سخت سردی میں مڈل کےامتحانات دینےوالےطلباکوشدیدمشکلات کا سامنا ہے ، ،طلبا کا کہنا ہے کہ کلاس رومزمیں ہیٹرزنہیں،دروازےاورکھڑکیاں ٹوٹی ہوئی ہیں۔

دوسری جانب محکمہ موسمیات کا کہنا ہے کہ ملک کے بیشترعلاقوں میں موسم سرداورخشک رہےگا اور آئندہ چوبیس گھنٹوں میں کوئٹہ،لاہور، اسلام آباد، پشاور سمیت ملک کے بیشتر علاقوں میں موسم سرداورخشک رہنے کی پیشگوئی کی ہے۔

شمالی علاقے آج بھی یخ بستہ ہواؤں کی لپیٹ میں رہیں گے جبکہ پنجاب کے میدانی اور سندھ کے بالائی علا قوں میں دھند چھائے رہنےکاامکان ہے۔۔

The post کراچی کا درجہ حرارت مزید نیچے آنے کی پیشگوئی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/389aQfv
via IFTTT