گھروالوں کیساتھ کسی بھی پراجیکٹ پر کام کرکے اچھا ہے، ندا یاسر

کراچی : اداکارہ و میزبان ندا یاسر نے کہا ہے کہ مجھے ڈراموں سے زیادہ مارننگ شو کرنا اچھا لگتا ہے۔

تفصیلات کے مطابق شوبز انڈسٹری اداکارہ اور میزبان ندا یاسر نے کہا ہے کہ مجھے ٹی وی ڈرامے نہیں بلکہ مارننگ شو کرنا اچھا لگتا ہے، شادی سے پہلے میں نے بے شمار ڈرامہ سیریلز کئے مگر اب میں صرف مارننگ شو ہی کررہی ہوں۔

ان خیالات کا اظہار اداکارہ و میزبان نے ایک انٹر ویو کے دوران کیا، ندا یاسر کا کہنا تھا کہ میرے شوہر یاسر نواز کا کوئی بھی سٹ کام ہو میں اس میں بھرپور کام کرتی ہوں جس میں میرے ساتھ میرے دیور دانش نواز بھی شامل ہوتے ہیں۔

اہل خانہ کے ساتھ کسی بھی پراجیکٹ میں کام کرکے مجھے زیادہ سکون ملتا ہے۔

اداکارہ ندا یاسر نے ایک سوال کا جواب دیتے ہوئے کہا کہ میری سٹ کام پر اداکاری کرتے ہوئے اکثر اپنے شوہر سے نوک جھوک بھی ہوجاتی ہے مگر وہ صرف سیٹ کی حد تک ہی رہتی ہے گھر میں ہم بہت اچھی اور بہترین زندگی گزار رہے ہیں۔

خیال رہے کہ اداکارہ و مارننگ شو کی میزبان ندا یاسر اے آر وائی ڈیجیٹیل کے پروگرام گڈ مارننگ پاکستان کی میزبانی کے فرائض انجام دیتی ہیں۔

The post گھروالوں کیساتھ کسی بھی پراجیکٹ پر کام کرکے اچھا ہے، ندا یاسر appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2PwS3Dk
via IFTTT