تازہ ترین: سردی میں اضافے کے ساتھ ملک بھر میں گیس بحران بھی سنگین ہو گیا

لاہور: پنجاب میں سردی کی شدت میں اضافے کے باعث لنڈا بازاروں کی رونقیں بھی بڑھ گئی ہیں۔

تفصیلات کے مطابق پنجاب کے مختلف شہروں میں شدید سردی کی وجہ سے لنڈا بازار آباد ہو گئے ہیں، گرم کپڑوں کے سستے بازاروں میں عوام کی چہل پہل بڑھ گئی ہے۔

ادھر کوٹ مٹھن کے لنڈا بازاروں کا رخ کرنے والے شہریوں کا کہنا ہے کہ موسم کی سختیوں سے بچنے کے لیے گرم کپڑے انتہائی ضروری ہیں اور یہاں سے کم داموں اچھی چیز مل جاتی ہے۔

تازہ ترین:  سردی میں اضافے کے ساتھ ملک بھر میں گیس بحران بھی سنگین ہو گیا

سردی کی لہر کے ساتھ ساتھ ملک بھر میں مہنگائی کی زبردست لہر بھی چل رہی ہے، لنڈا بازار بھی اس سے بچ نہیں سکے ہیں، پرانے گرم کپڑے بھی مہنگے کر دیے گئے ہیں۔

لنڈا بازار کے دوکان داروں کا کہنا ہے کہ ٹرانسپورٹ اور دیگر اخراجات بڑھنے کی وجہ سے گرم کپڑے پہلے کی نسبت کچھ مہنگے کرنا ان کی مجبوری بن چکا ہے لیکن پھر بھی عام بازار سے یہاں پر چیزیں بہت سستی ملتی ہیں۔

لنڈا بازاروں میں جرسی، سوئیٹر، کوٹ سمیت مختلف اشیا کی خریداری میں شہری مصروف نظر آتے ہیں تو سردی بڑھنے کے باعث دوکان داروں کی بھی چاندی ہو گئی ہے، جما دینے والی اس سردی میں متوسط طبقے کے لیے لنڈا بازار کسی نعمت سے کم نہیں۔

The post پنجاب: لنڈا بازاروں کی رونقیں بڑھ گئیں appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2seepRd
via IFTTT