سعودی عرب میں باکسر انتھونی جوشوا ورلڈ ہیوی ویٹ چیمپئن بن گئے

ریاض: برطانوی باکسر انتھونی جوشوا نے ہیوی ویٹ باکسنگ کا یونی فائیڈ ٹائٹل جیت لیا، جوشوا نے دوسری بار ورلڈ ہیوی ویٹ کا ٹائٹل جیتا۔

تفصیلات کے مطابق سعودی عرب کے شہر درعیہ میں لڑی گئی ہیوی ویٹ چیمپئن شپ فائٹ برطانوی باکسر انتھونی جوشوا نے جیت لی ہے، جوشوا نے میکسیکن نژاد امریکی باکسر اینڈی روئز کو شکست دے کر 6 ماہ پرانی شکست کا بدلہ لے لیا۔

فائٹ کے دوران باکسر انتھونی جوشوا نے آندرے روئز پر گھونسوں کی برسات کر دی تھی، جوشوا زیادہ پوائنٹس پر فاتح قرار پائے، تینوں ریفریز نے برطانوی باکسر کے حق میں متفقہ طور پر فیصلہ دیا جس کے بعد جوشوا عالمی ہیوی ویٹ چیمپئن بن گئے۔

انتھونی جوشوا کو جون میں اینڈی روئز کے ہاتھوں اپ سیٹ شکست ہوئی تھی جس کا انھوں نے بدلہ لینے سمیت ٹائٹل بھی دوبارہ جیت لیا۔ انتھونی جوشوا نے اب تک کے 23 بین الاقوامی مقابلوں میں سے 22 میں فتح حاصل کی ہے جب کہ میکسیکین امریکن اینڈی روئز نے 34 مقابلوں میں سے 33 میں کامیابی سمیٹی۔

ٹائٹل ہارنے والے باکسر اینڈی روئز اپنی بیوی کے ساتھ سعودی لباس میں

یاد رہے کہ چند دن قبل امریکی باکسر اینڈی رویز کی سعودی لباس ’ثوب‘ اور ان کی اہلیہ کی سعودی ’عبایہ‘ میں تصاویر سوشل میڈیا پر وائرل ہوگئی تھیں، دونوں ریاض کے الفیصلیہ ہوٹل آئے تھے، ان کے ساتھ سعودی شہریوں اور سیاحوں نے ساتھ سیلفیاں بھی بنوائیں۔

سعودی ولیٔ عہد شہزادہ محمد بن سلمان نے بھی جوشوا اور اینڈی روئز کی فائٹ دیکھی۔

The post سعودی عرب میں باکسر انتھونی جوشوا ورلڈ ہیوی ویٹ چیمپئن بن گئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Rr2gTo
via IFTTT