امریکا نے دو وزراء کو بلیک لسٹ کردیے

خرطوم : امریکا نے جنوبی سوڈان کے دو وزراء کو ملک میں امن وامان کی بحالی میں ’رکاوٹیں‘ ڈالنے کے الزامات کے تحت بلیک لسٹ کردیا۔

غیر ملکی خبر رساں ادارے کی رپورٹ کے مطابق امریکی وزارت خزانہ کی طرف سے جنوبی سوڈان کے وزیر دفاع پابندیوں نے وزیر دفاع کول مانانگ گوک اور وزیر برائے حکومتی امور مارٹن الیا لومورو کوبلیک لسٹ کیا گیا ہے۔

امریکی وزارت خزانہ کی طرف سے جاری ایک بیان میں کہا گیا ہے کہ دونوں وزراء نے اپنی ذاتی دولت کی خاطر تنازع کو فروغ دینے میں اہم کردار ادا کیا، ان کے امریکا میں موجود تمام اثاثے منجمد کردیے ہیں اوران کے امریکا میں داخلے پر پابندی عاید کر دی گئی ہے۔

وزارت نے تصدیق کی کہ وہ ان لوگوں کو نشانہ بنانے سے دریغ نہیں کرے گی جنہوں نے جنوبی سوڈان میں خانہ جنگی میں توسیع کے لیے کردار ادا کیا ہے۔

غیر ملکی میڈیا کے مطابق امریکا جنوبی سوڈان کے اعلی رہنماؤں پرامن اور استحکام کی بحالی کےلئے ٹھوس اقدامات کےلئے دباﺅ ڈالتے رہیں گے۔

جنوبی سوڈان کے صدر سلوا کیئر اور باغی رہ نما ریک مچار 12 نومبر کو قومی حکومت کی کوشش میں ناکام رہے تھے، اس کے بعد انہوں نے مخلوط حکومت کے قیام کےلئے 100 دن کی نئی مہلت مقرر کی ہے جو آئندہ سال فروری میں ختم ہوگی۔

The post امریکا نے دو وزراء کو بلیک لسٹ کردیے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2S30xUw
via IFTTT