علی زیدی کا حج اور عمرے کے لیے بحری جہاز چلانے کا عندیہ

کراچی: وفاقی وزیر برائے بحری امور علی زیدی کا کہنا ہے کہ مسافر بحری جہاز چلانا چاہتے ہیں، حج اور عمرے کے لیے سمندری سفر سے اخراجات میں کمی آئے گی۔

تفصیلات کے مطابق وفاقی وزیر برائے بحری امور علی زیدی کا کہنا تھا کہ پڑوسی ملک میں جو ہو رہا ہے وہ سب جانتے ہیں، پاکستان میں ریاست مدینہ کا نظام لانا چاہتے ہیں، قائد نے جو خواب دیکھا تھا اسے 2020 میں پورا کریں گے۔

علی زیدی کا کہنا تھا کہ وزیر اعظم کا کراچی کا دورہ خوش آئند ثابت ہوگا، وزیر اعظم ارکان صوبائی و قومی اسمبلی سے ملاقاتیں کریں گے۔

انہوں نے کہا کہ کراچی کو ٹھیک کیے بغیر معیشت ٹھیک نہیں ہوسکتی۔ کراچی میں جو نظام ہے اس کو بھی ٹھیک کر رہے ہیں۔ ایک ادارہ بناتا ہے اور دوسرا ادارہ دوسرے دن کھدائی کر دیتا ہے، یہ ادارے ایک ہی چھت کے نیچے کام کرتے ہیں۔

علی زیدی کا کہنا تھا کہ دنیا کے پرانے روٹس سمندر کے ہیں، وزارت دفاع سے 4 جگہ سے مسافر بحری جہاز چلانے کے این او سی مانگے ہیں۔ نجی شعبے کو بھی سمندری جہاز چلانے کی دعوت دیں گے۔ میرین سیکٹر بھی نجی شعبے کے لیے کھولنا چاہتے ہیں۔

انہوں نے کہا کہ حج اور عمرے کے لیے سمندری سفر سے اخراجات میں کمی آئے گی، کربلا جانے والے زائرین بھی بسرا سے ٹرین میں جا سکتے ہیں۔

The post علی زیدی کا حج اور عمرے کے لیے بحری جہاز چلانے کا عندیہ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2MtkHmZ
via IFTTT