چیف الیکشن کمشنر کی تقرری پر ڈیڈ لاک نہیں ہے: عثمان ڈار

اسلام آباد: وزیر اعظم عمران خان کے معاون خصوصی عثمان ڈار کا کہنا ہے کہ زرداری باہر جانا چاہیں گے تو اس وقت معاملہ دیکھیں گے، چیف الیکشن کمشنر کی تقرری پر ڈیڈ لاک نہیں ہے۔

تفصیلات کے مطابق وزیر اعظم عمران خان کے معاون خصوصی برائے امور نوجوان عثمان ڈار کا کہنا ہے کہ نواز شریف کے کیس میں ایک مثال موجود ہے، زرداری باہر جانا چاہیں گے تو اس وقت معاملہ دیکھیں گے۔

عثمان ڈار کا کہنا تھا کہ میڈیکل بورڈ کی تجاویز کی صورت میں فیصلہ کیا جائے گا۔ چیف الیکشن کمشنر کی تقرری پر ڈیڈ لاک نہیں ہے۔

انہوں نے مزید کہا کہ فضل الرحمٰن کے جائز مطالبات حل کیے جائیں گے، رہبر کمیٹی اور حکومتی ٹیم جلد کسی نتیجے پر پہنچ جائے گی۔

اس سے قبل ایک موقع پر عثمان ڈار نے مریم نواز اور محسن رانجھا کو مناظرے کا چیلنج دیتے ہوئے کہا تھا کہ حکومت کے کامیاب جوان اور ن لیگ کے یوتھ پروگرام کا براہ راست مناظرہ کریں۔

عثمان ڈار کا کہنا تھا کہ ماضی کے یوتھ پروگرام سیاست کی نذر ہوئے تھے، کوشش ہے دسمبر سے قرض کی فراہمی شروع ہوجائے۔ 21 سے 45 سال تک کے نوجوان درخواست دے سکتے ہیں جبکہ ملازمت پیشہ نوجوان بھی پروگرام میں درخواست دے سکتے ہیں۔

The post چیف الیکشن کمشنر کی تقرری پر ڈیڈ لاک نہیں ہے: عثمان ڈار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Rp7gYz
via IFTTT