پاکستان چین آزاد تجارتی معاہدے کا آغاز لازوال دوستی کا مظہرہے،فردوس عاشق اعوان

اسلام آباد : معاون خصوصی برائے اطلاعات ڈاکٹر فردوس عاشق اعوان نے چین پاکستان آزاد تجارتی معاہدے کے دوسرے مرحلے کے آغاز پر مبارک باد دیتے ہوئے کہا معاہدہ دونوں ممالک میں لازوال دوستی کا مظہرہے ، آئندہ دنوں میں سی پیک،پاک چین دوستی پرمزید اچھی خبریں آئیں گی۔

تفصیلات کے مطابق معاون خصوصی برائے اطلاعات ڈاکٹر فردوس عاشق اعوان نے سماجی رابطے ویب سائٹ ٹوئٹر پر چین پاکستان آزاد تجارتی معاہدے کے دوسرے مرحلے کے آغاز پر مبارک دیتے ہوئے کہا دونوں ممالک کےعوام اوردوستوں کےلئےاچھی خبر ہے، آئندہ دنوں میں سی پیک،پاک چین دوستی پرمزید اچھی خبریں آئیں گی۔

چین پاکستان آزاد تجارتی معاہدے(CPFTA) کے دوسرے مرحلے کے آغاز پر آئرن برادرز کو مبارک ہو۔ یہ دونوں ممالک کے عوام اور دوستوں کے لئے اچھی خبر ہے۔ آنے والے دنوں میں سی پیک اور پاک چین دوستی کے حوالے سے اور بھی اچھی خبریں آئیں گی۔

— Firdous Ashiq Awan (@Dr_FirdousPTI) December 2, 2019

فردوس عاشق اعوان کا کہنا تھا کہ آزادتجارتی معاہدہ دونوں ممالک میں لازوال دوستی کا مظہرہے، تاجروں کوچین میں زیرو ڈیوٹی شرح سے مصنوعات برآمد کرنے کی سہولت ملے گی۔

آزاد تجارتی معاہدہ نہ صرف دونوں ممالک کے مابین درینہ دوستی اور لازوال رشتے کا مظہر ہے بلکہ اس سے پاکستانی تاجروں کو چین کی منڈیوں میں زیرو ڈیوٹی شرح سے مصنوعات برآمد کرنے کی سہولت بھی ملے گا۔

— Firdous Ashiq Awan (@Dr_FirdousPTI) December 2, 2019

معاون خصوصی نے مزید کہا کہ پاکستان کاٹیکسٹائل شعبہ سب سے زیادہ مستفید ہوگا اور زراعت، چمڑا ، کنفکشنری، بسکٹ تیارکرنے والے بھرپور فائدہ اٹھائیں گے جبکہ پاکستانی مصنوعات چین برآمد کرسکیں گے۔

پاکستان کا ٹیکسٹائل کا شعبہ سب سے زیادہ اس سے مستفید ہوگا۔علاوہ ازیں شعبہ زراعت، چمڑے کی مصنوعات، کنفکشنری اور بسکٹ تیار کرنے والے بھی بھرپور فائدہ اٹھائیں گے اور پاکستانی مصنوعات چین برآمد کر سکیں گے۔

— Firdous Ashiq Awan (@Dr_FirdousPTI) December 2, 2019

ان کا مزید کہنا تھا کہ چینی منڈیوں میں 313نئی مصنوعات کی برآمدات کاموقع ملےگا، پاکستان742مصنوعات کی برآمدپرصفرڈیوٹی کی رعایت سے مستفید ہو رہا ہے، دوسرے مرحلے میں پاکستان کو 1047 مصنوعات کی برآمد کی اجازت مل جائےگی۔

اس معاہدے کی رو سے پاکستانی تاجروں کو چین کی منڈیوں میں313 نئی مصنوعات کی برآمدات کا موقع ملے گا۔پاکستان پہلے آزاد تجارت معاہدے کے تحت742مصنوعات کی برآمد پر صفر ڈیوٹی کی رعایت سے مستفید ہورہا ہے۔دوسرے مرحلے پر عملدرآمد کے بعد پاکستان کو 1047 مصنوعات کی برآمد کی اجازت مل جائے گی۔

— Firdous Ashiq Awan (@Dr_FirdousPTI) December 2, 2019

The post پاکستان چین آزاد تجارتی معاہدے کا آغاز لازوال دوستی کا مظہرہے،فردوس عاشق اعوان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2RbJY8o
via IFTTT