سہ فریقی سریز ، شاہینوں کا فاتحانہ آغاز، زمبابوے کو 74 رنز سے شکست

ہرارے: قومی کرکٹ ٹیم کے کپتان سرفراز احمد اور شعیب ملک نے زمبابوے کے خلاف سہہ فریقی میچ کے بعد اہم اعزاز اپنے نام کرلیا۔

تفصیلات کے مطابق تین ملکی سیریز کے پہلے ٹی ٹوئنٹی میچ میں قومی ٹیم نے فخر زمان اور آصف علی کی عمدہ بیٹنگ کی بدولت زمبابوے کو 74 رنز سے شکست دے کر فتح اپنے نام کرلی۔

زمبابوے کو شکست دینے کے بعد سرفراز احمد قومی کرکٹ ٹیم کے وہ کپتان بن گئے جن کی قیادت میں ٹیم نے سب سے زیادہ یعنی 23 میچز میں فتح حاصل کی۔

دوسری جانب شعیب ملک نے 24 گیندوں پر 37 رنز بنا کر ٹی ٹوینٹی میچ میں اپنے 2ہزار رنز مکمل کیے، وہ پہلے پاکستانی بلے باز ہیں جنہوں نے یہ اعزاز اپنے نام کیا۔

قومی کرکٹ ٹیم کے آل راؤنڈر محمد حفیط نے شعیب ملک کو مبارک باد دیتے ہوئے مزید کامیابیاں سمیٹنے کی دعا دی۔

Congratulations @realshoaibmalik to become 1st Pakistani batsman in T20 format to score 2000 runs , many more to come , stay blessed

— Mohammad Hafeez (@MHafeez22) July 1, 2018

شعیب ملک کی اہلیہ اور بھارٹی ٹٰنس اسٹار ثانیہ مرزا نے بھی شعیب ملک کو مبارک باد دیتے ہوئے فخر کا اظہار کیا۔

Yeah man #Champ #proud @realshoaibmalik https://t.co/SRhrC1y9Lg

— Sania Mirza (@MirzaSania) July 1, 2018

کپتان کی قیادت میں قومی ٹیم نے رمبابوے کو 74 رنز سے شکست دی، سرفراز کی قیادت میں گرین شرٹس نے اب تک 23 انٹرنیشنل ٹی ٹوینٹی میچز میں کامیابی حاصل کی جس کے بعد 31 سالہ وکٹ کیپر اب تک کے کامیاب ترین قائد بنے۔

سرفراز احمد کی کپتانی میں پاکستان نے کئی ٹی ٹوئنٹی میچز جیتے جن میں بالخصوص 2017 میں ہونے والی چیمپئنز ٹرافی تھی۔ رواں سال پاکستان نے ویسٹ انڈیز، نیوزی لینڈ اور اسکاٹ لینڈ کے خلاف 8 میچز کھیلے جن میں سے صرف ایک میں شکست کا سامنا کرنا پڑا۔

مزید پڑھیں: سہ فریقی سریز ، شاہینوں کا فاتحانہ آغاز، زمبابوے کو 74 رنز سے شکست

سرفراز احمد کا کہنا تھا کہ ’جب مجھے ٹیم کی کپتانی سونپی گئی تو اُس وقت ہم عالمی رینکنگ میں ساتویں نمبر پر تھے، ہم سوچ بھی نہیں سکتے تھے کہ اتنی تیزی کے ساتھ پہلے نمبر پر آجائیں گے’۔

کپتان کا کہنا تھا کہ سارے کھلاڑی مثبت انداز میں اچھا کھیل پیش کرتی ہے جس کے باعث ہم ٹی ٹوینٹی فارمیٹ کی سرفہرست ٹیم ہیں، نئے اور پرانے کھلاڑیوں کے بہترین کامبی نیشن سے ہم نے کامیابیاں سمیٹیں۔

سرفراز احمد کا کہنا تھا کہ ہماری نظریں رینکنگ پر نہیں بلکہ اچھے کھیل پر ہیں اور اسی کے ذریعے ہم سیریز میں فتح حاصل کرسکتے ہیں۔

واضح رہے کہ سہہ فریقی ٹورنامنٹ کے پہلے میچ میں پاکستان نے زمبابوے کی ٹیم کو جیت کے لیے 182 رنز کا ہدف دیا تھا جس کے جواب میں میزبان ٹیم صرف 108 رنز ہی بنا سکی۔

---

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post سرفرازاحمد کامیاب کپتان ، شعیب ملک ٹی ٹویٹنی کے ٹاپ اسکورر بن گئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2lNXkHa
via IFTTT