کراچی: شہر قائد کے علاقے جمشید روڈ کے قریب گھر میں آگ لگنے سے ماں اور 2 بچے جاں بحق ہوگئے۔
تفصیلات کے مطابق کراچی میں جمشید روڈ بجلی گراؤنڈ کے قریب گھر میں آگ لگنے سے 3 افراد جان کی بازی ہار گئے۔
پولیس حکام کے مطابق آتشزدگی کے واقعے میں 30 سالہ شمائلہ جنید اور اس کے 2 بچے 5 سالہ بیٹی انیسہ اور7 سالہ بیٹا صفیان جاں بحق ہوگئے۔
پولیس کا کہنا ہے کہ جاں بحق ماں اور 2 بچوں کی لاشوں کو اسپتال منتقل کردیا گیا، خاندان کا سربراہ روزگاہ کے سلسلے میں بیرون ملک مقیم ہے۔
جمشید کوارٹر پولیس کے مطابق گھر میں آگ شارٹ سرکٹ کی وجہ سے لگی۔
کراچی : بلدیہ ٹاؤن کے گھرمیں آتشزدگی‘ 7 افراد جاں بحق
یاد رہے کہ 28 مئی 2018 کو کراچی کے علاقے بلدیہ ٹاؤن میں واقع ملنگ گوٹھ میں ایک گھر میں آگ لگنے سے ماں اوربچوں سمیت 7 افراد جھلس کر جاں بحق جبکہ 2 زخمی ہوگئے تھے۔
واضح رہے کہ 5 اپریل 2018 کو کراچی کے علاقے کورنگی ساڑھے 3 نمبر کے قریب واقع گھر میں آگ لگنے سے میاں بیوی جان کی بازی ہار گئے تھے۔
کراچی: کورنگی کےگھر میں آتشزدگی‘ میاں بیوی جاں بحق
پولیس حکام کا کہنا تھا کہ شاہد خان اور شمیم بی بی بیٹی کی شادی کے بعد اکیلے رہتے تھے۔
The post کراچی : گھر میں آگ لگنے سے ماں اور 2 بچے جاں بحق appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2Ff0GMs
via IFTTT
No comments:
Post a Comment