او آئی سی کا ہنگامی اجلاس: شاہ محمود قریشی ترکی پہنچ گئے

استنبول: وزیرخارجہ شاہ محمود قریشی اسلامی تعاون تنظیم (او آئی سی) کے ہنگامی اجلاس میں شرکت کے لیے ترکی پہنچ گئے۔

تفصیلات کے مطابق وزیرخارجہ شاہ محمود قریشی آج صبح او آئی سی کے ہنگامی اجلاس میں شرکت کے لیے استنبول ایئرپورٹ پہنچے جہاں پاکستانی سفیرسائرس قاضی نے ان کا استقبال کیا۔

شاہ محمود قریشی اوآئی سی کے ہنگامی اجلاس سے خطاب کریں گے اوراسلاموفوبیا سے متعلق مسلم دنیا کے سامنے موقف پیش کریں گے۔ وزیرخارجہ ترکی اورایران کے وزرائے خارجہ سے ملاقاتیں بھی کریں گے۔

او آئی سی کے ہنگامی اجلاس میں نیوزی لینڈ میں دو مساجد پر دہشت گرد حملے اور اسلام کے خلاف منفی پروپیگنڈے کی بنیاد پرتشدد میں اضافے سے متعلق امور پرتبادلہ خیال کیا جائے گا۔

اسلامی تعاون تنظیم کے اجلاس کی صدارت ترکی کے وزیرخارجہ میولوت چاوش اوغلو کریں گے۔

اجلاس میں او آئی سی کے سیکرٹری جنرل اسلامو فوبیا کے باعث پیش خطرات کے بارے میں آگاہی پیدا کرنے اور ہرقسم کی دہشت گردی کے خاتمے کے لیے تنظیم کی کوششوں کے بارے میں بریفنگ دیں گے۔

نیوزی لینڈ کی 2 مساجد میں فائرنگ‘ 49 افراد جاں بحق

یاد رہے کہ 15 مارچ کو نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

The post او آئی سی کا ہنگامی اجلاس: شاہ محمود قریشی ترکی پہنچ گئے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2HQUzRL
via IFTTT