گوجرانوالہ: صوبہ پنجاب کے شہر گوجرانوالہ میں اسکول کی دیوار گرنے سے 5 بچے اور خاتون ٹیچر جاں بحق ہوگئے۔
تفصیلات کے مطابق گوجرانوالہ میں کشمیر روڈ پر واقع ماڈل اسکول میں یوم پاکستان کے حوالے سے تقریب جاری تھی کہ اچانک اسکول کی دیوار گر گئی۔
اسکول کی دیوار گرنے سے ملبے تلے دب کر خاتون ٹیچرسمیت 6 بچے جاں بحق ہوگئے جبکہ 20 بچے شدید زخمی ہوگئے۔
حادثے کی اطلاع ملتے ہی ریسکیو اہلکار موقع پر پہنچے اور دیوار تلے دبے بچوں کو نکالا اور اسپتال منتقل کیا گیا۔
وزیراعلیٰ پنجاب سردار عثمان بزاد نے گوجرانوالہ میں اسکول کی دیوارگرنے پرنوٹس لیتے ہوئے کہا کہ حادثے کی رپورٹ پیش کی جائے اور ذمہ داروں کے خلاف قانونی کارروائی کی جائے۔
سردار عثمان بزدار نے کہا کہ افسوس ناک حادثے میں زخمی ہونے والے بچوں کو ہرممکن طبی سہولتیں فراہم کی جائیں۔
یاد رہے کہ گزشتہ ماہ گوجرانوالہ کے علاقے اوپ میں اسکول کی چھت گرنے سے ایک استاد جاں بحق جبکہ 2 افراد زخمی ہوگئے تھے۔
The post گوجرانوالہ: اسکول کی دیوار گرنے سے خاتون ٹیچرسمیت 6 بچے جاں بحق appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2Wgjlyr
via IFTTT
No comments:
Post a Comment